हेमजा हस्पिटलद्वारा निःशुल्क स्वास्थ्य शिविर

Avatar आदर्श समाज सम्वाददाता
कार्तिक २९, २०७५

पोखरा, २८ कात्तिक। पोखरा महानगरपालिका वडा २५ स्थित हेमजा हस्पिटल एण्ड रिसर्च सेण्टर प्रालिले हेमजामा बुधबार निःशुल्क स्वास्थ्य शिविर गरेको छ।

कास्की सेवा हस्पिटलको प्राविधिक सहयोगमा आयोजित शिविरमा दुर्इ सय जनाको स्वास्थ्य परीक्षण गरी निःशुल्क औषधि वितरण गरिएको थियो।

शिविरमा हाडजोर्र्नी तथा नशा, पेट, मुटु छाती, बाल रोग, स्त्री तथा प्रसूतिसम्बन्धी रोगको उपचार गरिएको थियो।

शिविरमा डा पदमबहादुर खड्का, डा अभिशेक श्रेष्ठ, डा असिम सुवेदी, डा टीका गुरुङ, डा मुकुन्द तिमिल्सिना, डा सुरज आचार्य, डा बिमल बास्तोलाले स्वास्थ्य परीक्षण गराएका थिए।

यसअघि वडाध्यक्ष शोभाकर तिमिल्सिनाले शिविर उद्घाटन गर्दै वडामा स्वास्थ्यसम्बन्धी गतिविधिलाई प्रवर्द्वन गर्नका लागि सहयोग गर्न आग्रह गरे।

कास्की सेवा हस्पिटलका प्रमुख कार्यकारी अधिकृत दीपेन्द्र पोखरेलले गुणस्तरीय स्वास्थ्य सेवामा जोड दिएको उल्लेख गरे।

हेमजा साहित्य प्रतिष्ठानका अध्यक्ष कृष्णप्रसाद पौडेलले हेमजा हस्पिटललाई सहयोग गर्नु आफूहरुको कर्तव्य भएको बताए।

हेमजा हस्पिटल एण्ड रिसर्च सेण्टर प्रालिका म्यानेजर गजेन्द्र थापाको अध्यक्षतामा भएको कार्यक्रममा फर्मासिष्ट अमृत थापाले स्वागत र फर्मासिष्ट अमृता अधिकारीले संचालन गरेकी थिइन्।

Comments on हेमजा हस्पिटलद्वारा निःशुल्क स्वास्थ्य शिविर

हाम्रो सुझाव

चापाकोटमा आदिवासी जनजातिलाई उद्घोषण तालिम

सहायक प्रधानाध्यापक पहारीको विदाई

विकासका लागि सुशासन

प्रमुख समाचार

उपलब्ध साधनस्रोतको अधिकतम उपयोग गरी सेवा दिन चिकित्सकलाई निर्देशन