पोखरा, ३० चैत । लायन्स क्लब अफ पोखरा अन्नपूर्णले सरकारी विद्यालयमा खानेपानी ट्यांकी निर्माण अभियान तीव्र पारेको छ ।
विद्यार्थीलाई शुद्व खानेपानी उपलब्ध गराउने उद्देश्यले स्वीस प्रविधिको खानेपानी ट्यांकी निर्माण अघि बढाएको हो ।
सन् २०१७/२०१८ मा ५ विद्यालयमा ट्यांकी निर्माण गरेको क्लबका अध्यक्ष अर्जुन पोखरेलले जानकारी दिए ।
‘सामाजिक कार्यअन्तर्गत यो अभियान अघि सारेका हौं,’ अध्यक्ष पोखरेलले भने, ‘खानेपानी ट्यांकी नभएका सरकारी विद्यालयलाई सहयोग गर्ने गरेका छौं।’
दश हजार लिटर क्षमताको ट्यांकी निर्माणका लागि करिब २ लाख २५ हजारदेखि २ लाख ५० हजार रुपैयाँसम्म खर्च हुने उनले बताए ।
ट्यांकी निर्माणको खर्च विभिन्न देशका विद्यार्थीले आफ्नो खाजा खर्चबाट कटाएर उपलब्ध गराउने र निर्माण कार्यमा समेत संलग्न हुने गरेका छन् । सो कार्यका लागि इन्गेजिङ योङ ग्लोबल सिटिजन इन सोसल सर्भिसले सहजीकरण गरेको छ ।
यसैबीच, क्लबले पोखरा लेखनाथ महानगरपालिका वडा ३ स्थित कन्या माविमा खानेपानी ट्यांकी निर्माण गरी बिहीबार हस्तान्तरण गरेको छ।
लायन्स क्लबका डिष्ट्रिक गभर्नर धनराज आचार्यले खानेपानी ट्यांकीको उद्घाटन गरेका थिए ।
कार्यक्रममा गभर्नर आचार्यले लायन्स क्लब अफ पोखरा अन्नपूर्णले सामाजिक क्षेत्रमा पुर्याएको योगदानको प्रशंसा गर्दै लायन्सले सामाजिक कार्य कसरी सम्पादन गर्ने भन्ने विषय यस क्लबबाट सिक्नुपर्ने उल्लेख गरे ।
क्लबका पूर्व अध्यक्ष सोनाम साङ्पोले क्लबको यो अभियानले सरकारी विद्यालय लाभान्वित भएको र लायन्सप्रति जनमानसमा सकारात्मक प्रभाव परेको बताए ।
लायन्स क्लब अफ पोखरा अन्नपूर्णका अध्यक्ष अर्जुन पोखरेलको अध्यक्षतामा भएको कार्यक्रममा विद्यालयका प्रधानाध्यापक प्रेमबहादुर बुढाथोकी र क्लबका पूर्वअध्यक्ष ध्रुव श्रेष्ठले बोलेका थिए ।
कार्यक्रम सञ्चालन क्लब सचिव सूर्यप्रसाद बरालले गरेका थिए ।
Related News
सम्बन्धित समाचार
नारायणगढ–बुटवल सडक ३३ किमी कालोपत्रे
अकला आयोजना सञ्चालनमा खानेपानी संस्थान नै बाधक !
सडक आश्रित मानवमुक्त जिल्ला कार्यान्वयनका लागि समन्वय बैठक
सांस्कृतिक कार्यक्रम एवं भजन प्रतियोगिताको तयारी पूरा
पृथ्वीराजमार्ग विस्तार : मुआब्जा बुझाइयो तर घर भत्काइएन
hero news full width
मुख्य समाचार
पोखराको चाउथेमा बिजुली पसलमा आगलागी हुँदा १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१