पोखरा । गण्डकीका मुख्यमन्त्री सुरेन्द्रराज पाण्डेले राजीनामा दिएर नयाँ सरकार गठनको बाटो खोलिदिएका छन् । माओवादीको समर्थन फिर्तापछि करिब १ महिना अल्पमतको सरकार चलाएका उनले चैत २२ भित्र विश्वासको मत लिनुपर्ने थियो । संसद फेस नगरी पाण्डेले राजीनामाको बाटो रोजे । उनको राजीनामा लगत्तै प्रदेश प्रमुख डिल्लिराज भट्टले नयाँ सरकार गठनका लागि दाबी पेस गर्न दलहरुलाई आह्वान गरेका छन् । चैत २७ गते ३ बजेसम्मको समयसीमा दिएर मुख्यमन्त्री दाबीका लागि आह्वान गरेका हुन् । तर दलहरु नयाँ सरकार गठनका लागि तयार देखिएका छैनन् । कारण संसदीय अंकगणित हो । ६० सदस्यीय गण्डकी प्रदेशसभामा कांग्रेसको २७ सीट छ भने एमालेसँग २२, माओवादीसँग सभामुखसहित ८, राप्रपासँग २ र अर्का एकजना स्वतन्त्र सांसद छन् । सत्ता गठबन्धनभित्र गण्डकीको नेतृत्व एमालेले पाउने सहमति बने पनि केन्द्रको समीकरणले गण्डकीमा उसको सरकार बन्दैन । कांग्रेस त झन् बहुमत जुटाउन नसकेर सत्ताविमुख भएको छ ।
अब गण्डकीमा सत्ताको तालाचाबी राप्रपाको पोल्टामा परेको छ । राप्रपाले जसलाई समर्थन गर्छ उसैको सरकार बन्ने पक्कापक्की जस्तो छ । यद्यपि राप्रपाले नयाँ सत्ता गठबन्धनलाई सहयोग नगर्ने निर्णय लिएको छ । राप्रपाको केन्द्रीय पदाधिकारी बैठकको निर्णयले प्रदेश सरकार बन्नेमै अन्योल थपेको छ । राप्रपाको निर्णयले उपधारा (२) अनुसारको सरकार नबन्ने लगभग पक्का भएको छ । मुख्यमन्त्री दाबी गर्न सभामुख बाहेक ३१ सांसदको समर्थन चाहिन्छ । चुनाव जितेर एकीकृत समाजवादी पसेका राजीव गुरुङ उर्फ दीपक मनाङेले पार्टी त्यागेर फेरि स्वतन्त्र बनेका छन् । उनी केन्द्रको समीकरण फेरिने बित्तिकै पार्टी त्यागेर पाण्डे सरकारमा भौतिक पूर्वाधार विकास मन्त्री बनेका हुन् ।
मुख्यमन्त्री सुरेन्द्रराज पाण्डेले राजीनामा दिएलगत्तै प्रदेश प्रमुख डिल्लीराज भट्टले संविधानको धारा १६८ को २ अनुसार सरकार गठनका लागि आह्वान
नेपाल समाजवादी पार्टीका नेता फडिन्द्र देवकोटाले पनि माओवादीबाट अलग हुन चाहेका छन् । उनी माओवादीको चुनाव चिन्हबाट लडेका थिए । कानुनले दिएको अधिकार प्रयोग गरेर चुनाव लडेकोले आफ्ना सांसदलाई माओवादीको ह्वीप नलाग्ने नेसपाको जिकिर छ । राजनीतिक दल सम्बन्धी ऐनको दफा ४९ ले दुई वा सो भन्दा बढी दलहरुले एउटै चुनाव चिन्हबाट चुनाव लड्न सक्ने व्यवस्था गरेको छ । देवकोटा पार्टीको निर्देशन कुरेर बसेका छन् । ‘कि पार्टी छोड्नुप¥यो । नत्र पार्टीको निर्णय माननुप¥यो,’ उनी निकट स्रोतले भन्यो, ‘उहाँ पार्टीको निर्णय कुरिरहनुभएको छ । नेसपा प्रदेशको संकटमा पर्दा टुलुटुलु हेरेर बस्दैन ।’ पार्टीले गर्ने निर्णय स्वीकार्ने उनले बताएका छन् ।
सत्ताको सम्भावित समीकरण
एमाले–माओवादी–राप्रपा (३२)
काँग्रेस–राप्रपा–मनाङे–देवकोटा (३१)
काँग्रेस–माओवादी (३५)
काँग्रेस–एमाले (४९)
एमाले संसदीय दलका उपनेता लीलाबहादुर थापाले गण्डकीको सत्ता समीकरणको तस्बिर स्पष्ट हुन नसकेको बताए । ‘माथिकै समीकरण के हुने हो भन्ने प्रष्ट छैन । जसले सक्छ, जे गर्न सक्छ त्यस्तै भइरहेको छ । विधि र विधान भन्दा खेल खेल्ने क्रम सुरु भएको छ,’ उनले भने, ‘एमाले र माओवादीको मात्रै सरकार बन्दैन । राप्रपाले सहयोग गरे हाम्रो सरकार बन्छ, नभए सजिलो छैन ।’ थापाले राप्रपासँगै मनाङे र देवकोटाको भूमिकामा पनि सत्ता केन्द्रित हुने तर्क गरे । यसअघि नै राप्रपासँग मिलेर सरकार बनाएको नजिर भएकोले अहिले पनि राप्रपाले नयाँ गठबन्धनलाई नै समर्थन गर्ने उनले दाबी गरे । ‘हिजो हामीले राप्रपासँग समन्वय गरेर सरकार बनाएको नजिर छ,’ उनले भने, ‘केन्द्रको नेतृत्व र यहाँको नेतृत्व सहभागी भएर प्याकेजमा डिलिङ गर्नुपर्छ । त्यसले परिणाम दिन्छ ।’
विकसित घटनाक्रम हेर्दा धारा १६८ (३) अनुसार पुनः सुरेन्द्रराज पाण्डे नै मुख्यमन्त्री बन्ने सम्भावना छ । तर उनले पनि विश्वासको मत पाउने सम्भावना कम छ । विश्वासको मत नपाए उपाधारा (५) अनुसार बहुमत जुटाउन सक्ने जुनसुकै सांसदले मुख्यमन्त्रीमा दावी गर्न सक्छन् । उक्त उपधारामा सांसदलाई दलको ह्वीप नलाग्ने भएकोले सरकार बन्ने सम्भावना देख्छन् जानकारहरु । पाण्डे गत वैशाख १४ गते तत्कालीन मुख्यमन्त्री खगराज अधिकारीलाई ‘रिप्लेस’ गरेर मुख्यमन्त्रीमा नियुक्त भएका थिए । उनले आफ्नो कार्यकाललाई सन्तोषजनक भएको दाबी गरेका छन् ।
Related News
सम्बन्धित समाचार
पोखराको चाउथेमा बिजुली पसलमा आगलागी हुँदा १ करोडको क्षति
बुद्धजयन्तीमा याङ्जाकोटमा मेला
जेसीज सप्ताहमा रक्तदान
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
hero news full width
मुख्य समाचार
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१