पोखरा । हार्मोनी पोखरा र एभरेस्ट एफएम ९३ मेगाहर्ज आयोजनामा अरुणा लामा–तारादेवी स्मृति साँझ–२०८० भव्यरुपमा सम्पन्न भएको छ ।
एभरेस्ट मिडिया हाउस प्रालिद्वारा सञ्चालित एभरेस्ट एफएम र पोखरेली महिला कलाकारको साझा संस्था हार्मोनीले स्वरसाम्राज्ञी अरुणा लामा र तारादेवीको स्मृति दिवस सन्दर्भ पारेर शनिबार ‘अरुणा लामा–तारादेवी स्मृति साँझ’ गरेको हो ।
साहित्यकार, गीतकार, निर्देशक तथा अन्वेषक कवि प्रकाश सायमीले नेपाली सुगम संगीत, अरुणा लामा र तारादेवीको जीवनी र उनीहरुका नसुनिएका कथासहित प्रवचन दिए ।
पोखरेली महिला कलाकारले अरुणा लामा र तारादेवीका डेढ दर्जन गीत प्रस्तुत गरे । उनीहरुले गीत गाएर ट्रिब्यूट दिए ।
करिब २ घण्टा चलेको कार्यक्रममा हार्मोनीका अध्यक्ष ईतु जोजिजुले अरुणा लामाको ‘तिम्रो माया पथ्थरको झुक्याउने रुप जस्तो..’, तारादेवीको ‘तिम्रो नाम अझै छ ओठमा…’, कौशल्या गुरुङले अरुणा लामाको ‘म आँखैमा राखिन योग्य र तारादेवीको फूलैफूलको मौषम तिमीलाई….’, रजनी रिदम राईले अरुणा लामाको चौतारीमा बसेर रुन पाउ…, तारादेवीको मनको निश्चलतामा…, मितु पालले अरुणा लामाको ‘म त चुपचाप बँसे….’ र तारादेवीको ‘आमा भएर बोकी हेर….’ गीत गाएर अरुणा लामाप्रति ट्रिब्यूट दिएका हुन् ।
शीतल थापाले अरुणा लामाको ‘लहरे बर घुमाउने चौतारी र तारादेवीको ‘एक फूल झरेर के भो…..’ अजुदा थापाले अरुणा लामाको ‘कल कल सल सल…. र तारादेवीको आउन आउ तिम्रो खुसी…’ बोलको गीत गाए ।
अन्त्यमा, लक्ष्मी गिरीसहितका गायिकाहरुले गायिकाद्वयका चर्चुत गीतको मिड्ले प्रस्तुत गरि बिट मारेका थिए । कार्यक्रममा युगल आवाजमा गायक संगीतकार रामभक्त जोजिजुले साथ दिएका थिए ।
कार्यक्रमको पब्लिक फोरके टेलिभिजनसँगै एभरेस्ट एफएम र एभरेस्ट आवाज डटकमबाट प्रत्यक्ष प्रशारण भएको थियो ।
कार्यक्रम संयोजक दीपेन्द्र श्रेष्ठले अघिल्लो वर्षदेखि सुरु भएको अरुणा लामा–तारादेवी स्मृति साँझ हरेक वर्ष आयोजना गरिँदै जाने बताए । कार्यक्रम सफल पार्न सहयोग गर्ने सम्पूर्णमा उनले धन्यवाद दिए ।
डिजिटल साउन्ड एन्ड भिजन न्यूरोड र रुपाकोट ज्योति सुनचाँदी दुकान महेन्द्रपुलको संयुक्त प्रस्तुतिमा माछापुच्छे बैंक्यूट, न्यूरोडमा भएको कार्यक्रममा सहभागीको खचाखच भिड थियो ।
Related News
सम्बन्धित समाचार
पोखराको चाउथेमा बिजुली पसलमा आगलागी हुँदा १ करोडको क्षति
बुद्धजयन्तीमा याङ्जाकोटमा मेला
जेसीज सप्ताहमा रक्तदान
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
hero news full width
मुख्य समाचार
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१