पोखरा । सामुदायिक सेवा केन्द्र पोखरा – ९ पृथ्वीचोकको २३ औं वार्षिकोत्सवको अवसरमा शुक्रबार रक्तादान कार्यक्रम भएको छ ।

कार्यक्रममा ३५ जनाले रक्तदान गरेको केन्द्रका उपाध्यक्ष कुमारी मुना बास्तोलाले बताइन् । जिल्ला प्रहरी कार्यालय कास्कीका प्रमुख प्रहरी उपरीक्षक मोहनबहादुर थापाले पहिलो रक्तदातालाई ब्लड ब्याग हस्तान्तरण गरेर कार्यक्रमको उद्घाटन गरे ।

संस्थाका अध्यक्ष कमलबहादुर श्रेष्ठको सभापतित्वमा भएको कार्यक्रममा उपाध्यक्ष एवं कार्यक्रम संयोजक कुमारी मुना बास्तोलाले स्वागत एवं सचिव उत्तम जोशीले सञ्चालन गरेका थिए ।