पोखरा । नभ्री थेव मेश्रम बराह र ७ सय घान्द्रुक मेश्रम बराह वारिपारि छ । एउटा बराहबाट अर्कोमा पुग्न झण्डै ४५ मिनेट लाग्छ । दुवै बराहको उत्तिकै महत्व छ । घान्द्रुकेहरुले पुज्ने बराहमा घान्द्रुक घुम्न पुग्ने पर्यटकले अवलोकन र दर्शन गरुन भन्ने गाउँलेलाई लाग्छ । तर, त्यो बाटो अहिलेसम्म प्रचारमा आउन सकेको थिएन ।
घान्द्रुकभन्दा माथिल्लो भेगको यो क्षेत्रमा भेडा बाख्रा र भैसी चरन रहेको स्थानीय कृष्णबहादुर गुरुङले बताए । सोही कारण त्यस क्षेत्रमा कोही जान चाहन्थेनन् । तर, आफूहरुले मान्दै बराह क्षेत्रमा पर्यटक गए हुन्थ्यो भन्ने आफ्नो चाहना रहेको उनले सुनाए । गाउँबाट बराह क्षेत्रसम्म पर्यटन पुगे उनीहरुको बसाइ पनि लम्बिने उनको सोच्दै आएका थिए । सोही चाहना र सोचलाई गुरुङले मुर्तरुप दिने योना बनाए । उनी आफै पनि घान्द्रुक पर्यटन व्यवस्थापन समितिको कोषाध्यक्ष हुन् । सोही कारण उनले कार्यसमितिमा कुरा राखेर चक्रीय पदमार्गको अवधारणा अघि सारे ।
समितिको अवरधारणालाई गाउँलेले पनि साथ दिए । समितिले पदमार्गमा सहयोग गर्न गण्डकी प्रदेशको पर्यटन मन्त्रालयमा सहयोग माग गर्यो । मन्त्रालयले ५ लाख रुपैयाँ सहयोग गर्ने भयो । त्यसमा अझै बढी रकम आवश्यक पर्ने थियो । समितिले थप रकम जुटाउने गरी काम सुरु गर्यो । ४ किलोमिटरको दुरीमा रहेको उक्त चक्रीय पदमार्गको २ किलोमिटर क्षेत्रमा वन छ । सोही वन क्षेत्रबाट काम सुरु भयो । पहिलो चरणमा करिब १ किलोमिटरमा स्तरोन्नतिको काम सकिएको छ ।
सोही क्षेत्रको उद्घाटन गर्दै घान्द्रुक चक्रीय पदमार्ग सुरुआत गरिएको छ । घान्द्रुक पर्यटन व्यवस्थापन समितिले निर्माण गरेको पदमार्गको गण्डकी प्रदेशका उद्योग, पर्यटन, वन तथा वातावरण मन्त्रालयका सचिव कुमानसिंह गुरुङले बिहीबार उद्घाटन गरेका छन् । उक्त पदमार्ग मन्त्रालयको ५ लाख र समितिको १ लाख ५० गरी ६ लाख ५० हजार रुपैयाँको लागतमा पदमार्ग निर्माण गरिएको घान्द्रुक पर्यटन व्यवस्थापन समितिका अध्यक्ष विक्रम गुरुङले जानकारी दिए ।
मन्त्रालयका सचिव कुमानसिंह गुरुङले चक्रीय पदमार्गले घान्द्रुकको पर्यटन प्रवद्र्धनमा टेवा पुग्ने बताए । ‘घान्द्रुक कल्चर र नेचरको धनी गाउँ हो । यसमा चक्रिय पदमार्गले अझै टेवा पुग्ने छ,’ उनले भने, ‘प्रदेश सरकारले उच्च हिमाली क्षेत्रमा पदमार्ग निर्माणमा सघाएको छ । सोही अनुसार मन्त्रालयले यहाँ सहयोग गरेको हो ।’ पदमार्गले २ वटा मेश्रम बराह मन्दिर जोड्ने भएकाले प्राकृतिक र धार्मिक रुपमा महत्वपूर्ण रहेको उनले सुनाए । पदमार्ग अझै अपुरो रहेकाले आगामी वर्षको बजेटमा यसको विस्तारका लागि सहयोग गर्ने उनले प्रतिवद्धता जनाए ।
यो पदमार्ग घान्द्रुकको बसपार्कदेखि सुरु भएर पञ्चे, कोटगाउँ, बलाचे पार्क, नभ्री थेव मेश्रम बराह मन्दिर, कोचमा प्लाँ, ७ सय घान्द्रुक मेश्रम बराह, नेगो, चिया बगान, गैह्री गाउँ, तल्लो गाउँहुँदै बसपार्कमा पुगेर सकिने समितिका अध्यक्ष विक्रम गुरुङले जानकारी दिए । पदमार्ग पूर्णरुपमा सञ्चालनका लागि सरकारसँगै घान्द्रुकका होटल व्यवसायीलाई पनि गुहार्ने योजना रहेको उनले सुनाए । ‘यो करिब ४ किलोमिटरको दुरीमा छ । पहिलो चरणको काम सकिएको छ । यसमा गर्न बाँकी अझै धेरै काम छ,’ उनले भने, ‘यसका लागि सरकार गुहार्ने कुरा त छँदैछ अझै घान्द्रुकको होटल व्यवसायीलाई पनि भन्ने अनि सहयोग गरे शिलालेख लेखेर राख्ने योजना छ ।’
पदमार्ग निर्माणपछि एक दिन भए पनि पर्यटकको घान्द्रुक बसाइँ लम्बिने स्थानीय अमृत गुरुङले बताए । यो पदमार्गको करिब २ किलोमिटर क्षेत्रमा वनजंगल भएकाले पर्यटक प्रकृतिसँग रमाउने उनको भनाइ थियो । ‘यो पदमार्ग पर्यटकका लागि अति नै महत्वपूर्ण छ । यसले पर्यटकको बसाइ अवश्य लम्ब्याउँछ,’ उनले भने, ‘यसको आधा भागमा वनजंगल पर्छ । यहाँ चराचुरुंगीको आवाजसँगै बन्यजन्तुहरु मृग, स्याल, वनकुखुरा अवलोकन गर्न सक्छन् ।’ पलमार्गमा चिया बगानसँगै फागुन चैतमा लालिगुराँससँग रम्दै समय बिताउन सक्ने उनले बताए ।
Related News
सम्बन्धित समाचार
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
पोखरा–१२ का सामुदायिक विद्यालयमा संस्कार शिक्षा
मुग्लिन–पोखरा सडक पूर्वी खण्डको म्याद थपियो
फेवाको मापदण्ड घटाउन सर्वोच्चमा रिट
hero news full width
मुख्य समाचार
सहकारीका विकृति राजनीतिकर्मीका लागि चुनौती : मुख्यमन्त्री अधिकारी
पर्वत र बागलुङका सिडिओ फेरिए
जेठ ४, २०८१जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१