पोखरा । इन्टरनेट सेवा प्रदायक कम्पनी पोखरा इन्टरनेट प्रालिले फाइबर क्लिन अप कार्यक्रम सोमबारबाट सुरु गरेको छ ।

विश्व वातावरण दिवसको अवसर पारेर कम्पनीले पोखरा ४ सगँको सहकार्यमा कार्यक्रम आयोजना गरेको मार्केटिङ अफिसर आशुतोष सुनारले जानकारी दिए । फाइबर क्लिन अप कार्यक्रम वडा नं. ४ को कार्यालयबाट पालिखे चोकसम्म गरिएको हो ।

पोलमा झुण्डिएका तथा लत्रिएका अव्यवस्थित देखिएका तारहरूलाई व्यवस्थित गर्नको लागि फाइबर क्लिन अप कार्यक्रम सुरु गरिएको पोखरा इन्टनेटका प्रालिका प्रमुख कार्यकारी अधिकृत बिजेश पालिखेले बताए ।

पोखरा ४ का अध्यक्ष देवकृष्ण पराजुलीले अव्यवस्थित तारहरू व्यवस्थित गर्न चुनौती रहेको बताए । उनले २ संस्थाबीच समन्वय र सहकार्य गर्दे अगाडि बढ्ने बताए ।

प्रालिका जनरल म्यानेजर वरदान लामाले कार्यक्रम प्रभावकारी भएको हुनाले आगामी दिनहरूमा निरन्तरता दिइने बताए । कार्यक्रममा फाइबर क्लिन अफ विभागका १५ जना कर्मचारीको सहभागिता थियो ।