पोखरा । कर्णालीका मुख्यमन्त्री महेन्द्रबहादुर शाहीको पद जोगिएको छ । २२ जना सांसदले विश्वासको मत दिएपछि मुख्यमन्त्री शाहीको पद जोगिएको हो । शाहीका पक्षमा २२ र विपक्षमा १६ मत परेको थियो ।
मुख्यमन्त्रीलाई सत्तारूढ दल माओवादी, नेपाली कांग्रेस र एमालेका सांसद नन्दसिंह बुढा, प्रकाश ज्वाला, अम्मरबहादुर शाही र कर्मराज शाहीले विश्वासको मत दिएका हुन् । फ्लोर क्रस गर्ने सबै एमालेको माधवकुमार समूहका नेता हुन् ।
३९ सदस्यीय कर्णाली प्रदेश सभामा माओवादीका १२, कांग्रेसका ६, एमालेमा सभामुख राजबहादुर शाहीसहित २० र राप्रपाका १ जना सांसद छन् । मतदान प्रक्रियामा ३७ सांसद सहभागी भएका थिए ।
प्रदेश सभाको सबै भन्दा ठूलो दल एमालेले चैत ५ गतेबाट सरकारलाई दिएको समर्थन मुख्यमन्त्रीको पद धरापमा परेको थियो । एमालेले समर्थन फिर्ता लिएको २९ दिनपछि शुक्रबार मुख्यमन्त्रीले विश्वासको मत लिएरका हुन् । विश्वासको मत पाएसँगै शाही नेतृत्वकै सरकारले निरन्तरता पाएको छ । यसअघि प्रतिपक्षमा रहेको कांग्रेस अब सरकारमा सहभागी हुने सम्भावना छ । प्रदेशसभाको अर्को बैठक १० गते बस्ने भएको छ ।
कर्णाली प्रदेशमा एमाले संसदीय दलको बैठकले ४ जना सांसदलाई २४ घण्टे स्पष्टीकरण सोधेको छ । शनिबार साँझ बसेको संसदीय दलको आकस्मिक बैठकले सांसदहरु प्रकाश ज्वाला, नन्दसिंह बुढा, अम्मरबहादुर थापा र कुर्मराज शाहीलाई २४ घन्टे स्पष्टीकरण सोध्ने निर्णय गरेको सांसद दल रावलले जानकारी दिए ।
‘बैठकले फ्लोर क्रस गर्ने ४ जना सांसदलाई २४ घण्टे स्पष्टीकरण सोध्ने र कारबाहीका लागि केन्द्रलाई सिफारिस गर्ने निर्णय गरेको छ’ रावलले भने, ‘स्पष्टीकरणका आधारमा कस्तो खालको कारबाही गर्ने भन्ने विषय पार्टीले टुंग्याउँछ ।’
सांसदहरुलाई दलको विधान अनुसार २४ घन्टे स्पष्टीकरण सोधिएको तर कारबाहीको प्रकृति भने पार्टीको केन्द्रीय कमिटीले निर्णय लिने उनको भनाइ छ । स्पष्टीकरण सोधिएका चार जना सांसदले शुक्रबार कर्णाली प्रदेशका मुख्यमन्त्री महेन्द्रबहादुर शाहीलाई विश्वासको मत दिएका थिए ।
यी ४ सांसदले विश्वासको मत नदिएको भए कर्णालीमा शाही नेतृत्वको सरकार ढल्ने निश्चित थियो भने एमालेले मुख्यमन्त्रीको उम्मेदवारका रुपमा यामलाल कँडेललाई अघि सारिसकेको थियो ।
Related News
सम्बन्धित समाचार
पोखराको चाउथेमा बिजुली पसलमा आगलागी हुँदा १ करोडको क्षति
बुद्धजयन्तीमा याङ्जाकोटमा मेला
जेसीज सप्ताहमा रक्तदान
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
hero news full width
मुख्य समाचार
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१