पोखरा, १ फागुन। गण्डकी प्रदेशका मुख्यमन्त्री पृथ्वीसुब्बा गुरुङले सामन्तवादका अवशेष समाप्त पार्न अझै केही समय कुर्नुपर्ने बताएका छन्। जनयुद्ध दिवसको २४ औं वार्षिकोत्सव अवसरमा बुधवार नेकपा कास्कीद्वारा पोखरामा आयोजित शुभकामना आदानप्रदान कार्यक्रमलाई सम्बोधन गर्दै मुख्यमन्त्री गुरुङले भने, ‘बुलेट र ब्यालेटबाट राजा हटायौं, अब शान्तिपूर्ण रुपबाट नै सामन्तवादका अवशेष हट्दै जाने छन्।’
‘ब्यालेटबाट नै संविधानसभा र संघीयता अनुसार तीनै तहका निर्वाचन सम्पन्न गर्यौ, नयाँ संविधान बन्यो,’ उनले भने, ‘सामन्तवादको अन्त्य भएपछि जनवादी व्यवस्था सुदृढ हुँदै जान्छ। अहिले बनेका सरकार अघिल्ला सरकारको जस्तो निरन्तरता हैन, हामीले जनवादी सरकार स्थापित गरिसकेका छौ, अब जनतामा विस्तारै आर्थिक समृद्धि आउँछ, उनीहरुको जीवनस्तरमा परिवर्तन आउन शुरु हुन्छ।’
‘नेपालमा जनवादी व्यवस्था सुदृढ र सामथ्र्यसाथ समृद्धितर्फ अगाडि बढ्न जरुरी छ, जनयुद्ध र शान्तिपूर्ण रुपबाट क्रान्ति गरेर आएका दुई कम्युनिष्टबीच शक्तिसन्तुलन गरी एक पार्टी भएको छ,’ उनले भने, ‘अब शान्ति र संविधानको माध्यमबाट नै कम्युनिष्ट अगाडि बढ्न सक्ने भएको छ।’
‘माओवादीले पनि धेरै कुरा सोचविचार गरेर शान्तिप्रक्रियाबाटै राजनीतिक परिवर्तनको बाटो रोजेर आएको हो, जनताको चाहना अनुसार राम्रो काम गर्न सक्यौ भने चार वर्षपछि कम्युनिष्ट झन् ठूलो पार्टी बन्ने दाबी गर्दै मुख्यमन्त्री गुरुङले भने, ‘सत्यनिरुपण तथा मेलमिलाप आयोगबाट पनि द्वन्द्वमा भएका सम्पूर्ण घटनालाई टुङ्गोमा पुर्याएर ढिला गर्न हुँदैन।’
संघले प्रदेश र स्थानीय तहलाई निशेष गरेर अगाडि बढेकोप्रति मुख्यमन्नत्री गुरुङले आपत्ति प्रकट गर्दै तीनै तहका सरकार देश भित्रकै सरकार भएकाले निशेषको राजनीतिक नगर्न उनले संघ सरकारलाई आग्रह गरे।
नेकपाका नेता तथा पूर्व स्वास्थ्य मन्त्री खगराज अधिकारीले नेकपाभित्रको गुटबन्दी हट्नु पर्ने र अब कुनै पनि कार्यकर्ता कुनै गुटको पछि लागेर नेताको दौरा शुरुवालको फेरो नसमाउने बताए।
‘झम्सीखेलमा हुने गोप्य बैठक र गुटबन्दी पार्टीका कार्यकर्तालाई मान्य हुँदैन,’ नेता अधिकारीले भने, ‘गुटबन्दी त्यागेर पार्टी एक बनाउनेतर्फ शीर्ष नेता लाग्नुको विकल्प छैन।’
२०५२ फागुन १ गतेबाट जनयुद्ध शुरु भएकोमा सशस्त्र संघर्ष १० वर्षसम्म सञ्चालन भएको थियो ।
Related News
सम्बन्धित समाचार
नारायणगढ–बुटवल सडक ३३ किमी कालोपत्रे
अकला आयोजना सञ्चालनमा खानेपानी संस्थान नै बाधक !
सडक आश्रित मानवमुक्त जिल्ला कार्यान्वयनका लागि समन्वय बैठक
सांस्कृतिक कार्यक्रम एवं भजन प्रतियोगिताको तयारी पूरा
पृथ्वीराजमार्ग विस्तार : मुआब्जा बुझाइयो तर घर भत्काइएन
hero news full width
मुख्य समाचार
पोखराको चाउथेमा बिजुली पसलमा आगलागी हुँदा १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१