पोखरा । रामबाबु गुरुङ निर्देशित नेपाली फिल्म ‘डिग्री माइला’ प्रदर्शन तयारीमा छ । यही ३० चैतदेखि अलनेपाल रिलिज हुन लागेको फिल्मबाट निर्माण युनिट निकै आशावादी देखिन्छ । त्यसो त रामबाबु गुरुङ ‘कबड्डी’ सिरिजका सफल फिल्मकर्मी हुन् ।
लोकप्रिय अभिनेता दयाहाङ राई र अभिनेत्री आँचल शर्मा अभिनीत यो फिल्मको ट्रेलरका कारण धेरै दर्शक फिल्म हेर्न आतुर छन् । जसमा बेरोजगार युवाको कथा बोलेको पाइन्छ ।
चलचित्र पत्रकार संघ नेपाल कास्कीले पोखरामा आयोजना गरेको पत्रकार सम्मेलनमा कलाकार प्रकाश घिमिरेले पढेलेखेको व्यक्तिको चेतनाको स्तर समेत सिनेमा मार्फत देखाउन खोजिएको बताए । घिमिरेले डिग्री माइला नेपाली समाजको कथाव्यथा भएको बताए । नाटकमा हेरे तापनि दृश्यात्मक रुपमा सिनेमामार्फत अझ फरक पाउने उनको भनाइ छ ।
बाँसुरी फिल्मस्को ब्यानरमा निर्मित फिल्ममा विद्यालय व्यवस्थापन समितिको अध्यक्ष भूमिकामा पोखरेली घिमिरेलाई देख्न सकिन्छ ।
पोखरेली कलाकार माओत्से गुरुङ डिग्री माइलामा दयाहाङ राईको बुबाको भूमिकामा देखिँदैछन् । उनले डिग्री माइला योग्यता प्राप्त गरेर बेरोजगार भएका युवाको कथा भएको उल्लेख गरे । सिनेमामा चर्चित कलाकारको सशक्त अभिनय भएकाले दर्शक निराश भएर फर्किनु नपर्ने दाबी गरे । पछिल्लो समय नेपाली सिनेमा क्षेत्रमा अस्वस्थ प्रतिस्पर्धा भइरहेको बताउँदै उनले फिल्मको सानो बजारमा अस्वस्थ प्रतिस्पर्धा हुन नहुने विचार व्यक्त गरे ।
डिग्री माइलामा बुद्धि तामाङ, विजय बराल, कमलमणि नेपाल लगायतका कलाकारको अभिनय छ । निर्देशक रामबाबु आफैं देखिनेछन् । विशाल गुरुङ (एलजी), मनिराम पोखरेल, मधु मिजार र सुश्मा गुरुङको लगानी रहेको सिनेमाको कथा रामबाबुले नै लेखेका हुन् ।
Related News
सम्बन्धित समाचार
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
बलात्कार मुद्दामा सन्दीप लामिछानेले पाए सफाइ
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
व्यास नगरपालिकामा मेयर चुनावको पुन मतगणना गर्न आदेश
पोखरामा बुद्ध जयन्तीको सप्ताहव्यापी कार्यक्रम
hero news full width
मुख्य समाचार
जिबी राईको राहदानी रद्द भएन
पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१