पोखरा । पर्यटन व्यवसायी महिला संघ नेपाल (टेवान) ले पर्यटन व्यवसायमा क्षमता अभिवृद्धि तथा कानुनी सचेतनात्मक कार्यक्रम गरेको छ ।
४ दिनसम्म चलेको तालिममा अधिवक्ता तारा शर्माले कार्यस्थलमा हुने हिंसा, महिलामाथि हुने विभिन्न प्रकारका हिंसा र त्यससम्बन्धी कानुनी उपचारको पाटोबारे प्रशिक्षण दिइन् । अधिवक्ता ईश्वरी पौडेलले व्यवसाय गर्ने क्रममा आइपर्ने कानुनी जटिलता र समाधानका उपायबारे बताइन् ।
पत्रकार सुष्मा पौडेलले सकारात्मक सोच र फिल्म निर्देशक जसु गुरुङले पर्यटनमा संस्कृतिको प्रयोगबारे तालिममा सहभागीलाई प्रशिक्षण दिए ।
तालिमको समापनमा गण्डकी प्रदेशका उद्योग, पर्यटन, वन तथा वातावरण मन्त्री दीपेन्द्रबहादुर थापाले आगामी बजेटमा पर्यटन व्यवसायी महिलाका मुद्दालाई समावेश गर्ने बताए । सरकार आफैँ महामारीमा परेको भन्दै उनले चालु आर्थिक वर्षको भन्दा आगामी बजेट ५ अर्ब रुपैयाँसम्म घटेर आउने जानकारी गराए ।
पोखरा पर्यटन परिषद् अध्यक्ष पोमनारायण श्रेष्ठले पर्यटन व्यवसायीलाई राहत पुग्ने गरी आगामी प्रदेशको बजेट निर्माण गर्न सुझाव दिए ।
टेवानका सल्लाहकार एवं पर्यटन व्यवसायी गणेशबहादुर भट्टराईले पर्यटन व्यवसायमा बढीभन्दा बढी महिला सहभागिता वृद्धि गरेर उत्पादनसँग जोड्ने र त्यसलाई बजारीकरण गरेमात्रै पर्यटन दिगो हुने बताए । टेवान सल्लाहकार बोबरजंग गुरुङले पोखरा अन्तर्राष्ट्रिय विमानस्थलबाट छिटोभन्दा छिटो अन्तर्राष्ट्रिय उडान सुरु गर्न पहल गर्नुपर्नेमा जोड दिए ।
प्रशिक्षार्थी मालती अधिकारीले तालिमपश्चात आफूमा आत्मविश्वास बढेको बताइन् ।
टेवान अध्यक्ष कमला गिरीले व्यवसायी स्वयंमा सकारात्मक सोच भए क्षमता अभिवृद्धि पनि हुने भएकोले तालिम आयोजना गरेको बताइन् ।
कार्यक्रम संयोजक शारदा लम्सालले तालिममा ६६ जना पर्यटन व्यवसायी महिला सहभागी टेवान सचिव शोभा अधिकारीले बताइन् ।
Related News
सम्बन्धित समाचार
महिलाको लगानीमा सरफ उद्योग सञ्चालन
किशोरीका लागि सीपमूलक शिक्षा
हजुरआमा बनेपछि एसइई दिँदै कांग्रेस नेत्री भुसाल
छोरीलाई स्वावलम्बी बनाउन बागलुङ ‘नगरकी छोरी’ कार्यक्रम
नौमती बाजा बजाउन तालिम लिँदै बागलुङका आमाहरू
hero news full width
मुख्य समाचार
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
वैशाख २५, २०८१गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१