पोखरा । प्रधानमन्त्री एवं पोखरा विश्वविद्यालयका कुलपति शेरबहादुर देउवाले पोखरा विश्वविद्यालय मुलुककै उच्चशिक्षाको एउटा गहनाको रुपमा रहेको बताएका छन् । समाजलाई समुन्नत बनाउन र मुलुकलाई विकासको पथमा डो¥याउन यसको महत्वपूर्ण भूमिका रहेको पनि उनले सुनाए ।
प्रधानमन्त्री निवास बालुवाटारमा पोखरा विश्वविद्यालयको २२ औं साधारणसभा बैठकलाई मंगलबार सम्बोधन गर्दै प्रम देउवाले सो कुरा बताएका हुन् । दिगो शान्ति र राजनीतिक स्थायित्व कायम नभएसम्म विकासले गति लिन नसक्ने भन्दै उनले यसको लागि विश्वविद्यालयको भूमिका महत्वपूर्ण रहने बताए ।
सभाले विश्वविद्यालयका उपकुलपति प्राडा प्रेमनारायण अर्यालद्वारा प्रस्तुत आर्थिक वर्ष २०७९÷०८० को नीति तथा कार्यक्रम एवं रजिष्टार डा. दीपकबहादुर भण्डारीद्वारा प्रस्तुत आगामी आवको १ अर्ब ४६ करोडको बजेट स्वीकृत गरेको छ । बजेटमा पुँजीगत खर्चतर्फ ६४ करोड ३ लाख ५७ हजार र साधारणतर्फ ८१ करोड ९६ लाख ४३ हजार रहेको छ ।
विश्वविद्यालयको सम्बन्धनप्राप्त महाविद्यालयलाई बढीमा २ कार्यक्रम÷समूह प्रतिस्थापन तथा थप गर्ने गरी महाविद्यालयहरुलाई संकाय विशिष्टीकरण गर्ने विश्वविद्यालयको नीतिलाई परिमार्जन गरिएको छ । सम्बन्धित महाविद्यालय÷कलेजलाई स्वैच्छिक अवसर दिइ सोको बाँकी प्रक्रिया अगाडि बढाउन स्वीकृति प्रदान गरिएको छ । यसैगरी १० वर्षदेखि रोकिएको नयाँ महाविद्यालयको सम्बन्धनसमेत सभाले खुला गर्ने नीति अवलम्बन गरेको र मौजुदा सम्बन्धन शुल्कमा समेत परिवर्तन भएको जनाइएको छ ।
सभाले विशेष मौका परीक्षाको व्यवस्था गर्न स्वीकृति प्रदान गर्दै विशेष मौका परीक्षामा सहभागी विश्वविद्यालयको १८ औं साधारण सभाको बैठकबाट भएको निर्णय बमोजिम विद्यार्थीको योग्यता, विद्यार्थीका सीमा, सर्त र परीक्षा सञ्चालनका विधि र प्रक्रिया अवलम्बन गर्नुपर्ने व्यवस्था गरेको छ ।
आव २०७९÷८० को नीति तथा कार्यक्रममा विश्वविद्यालयले भौतिक निर्माण र पूर्वाधार विकासमा जोड दिएको छ । जसमध्ये सञ्चालन हुन लागेको पोखरा विश्वविद्यालय शिक्षण अस्पतालका साथै केन्द्रीय कार्यालय प्रशानिक भवनमा २ तला थप, परीक्षा नियन्त्रण कार्यालयको लागि थप भवन निर्माण, मुँसेटुडामा रहेको जग्गाको विस्तृत गुरूयोजना अनुसार ५ हजार विद्यार्थी पठनपाठन गर्ने क्षमताका प्राज्ञिक भवन तथा शैक्षिक भवन निर्माण र तिनलाई चाहिने आवश्यक पूर्वाधार निर्माणको गुरूयोजनाको लागि बजेट विनियोजन गरेको छ ।
विश्वविद्यालयले सरकारको नीतिअनुरूप मेडिकल कलेजको सञ्चालन प्रक्रिया अगाडि बढाउने छ । साथै विभिन्न संकायमा सञ्चालित स्नातक र स्नातकोत्तर तहका आंगीक कार्यक्रमको सवलीकरणका लागि सरकार, सरोकारवाला एवं स्थानीय निकायको सहभागितामा भूगोलको विशेषता र सम्भाव्यताको अध्ययन गरेर देशका ७ वटै प्रदेशमा आवश्यकता अनुसार आंगीक महाविद्यालयहरूको विस्तार गर्ने भएको छ ।
यसैगरी, पोखरा विश्वविद्यालयका सम्बन्धनप्राप्त महाविद्यालयलाई आवश्यकता अनुसार सामुदायिक तथा निजी महाविद्यालयको रूपमा वर्गीकरण गरिनेछ र सामुदायिक महाविद्यालयको सञ्चालनलाई स्थानीय सरकार र संघसंस्थाको सहयोगमा मुनाफारहित महाविद्यालयको रूपमा व्यवस्थित गर्ने नीति अवलम्बन गरिनेछ । पोखरा विश्वविद्यालयले दिने छात्रवृत्तिलाई सरकारले अवलम्बन गरेको नीतिअनुरूप योग्यता र समावेशीता आधारमा वर्गीकरण गरी छात्रवृत्ति प्रदान गर्ने सूचना अधिकृत लोकप्रसाद ढकालले जनाए ।
Related News
सम्बन्धित समाचार
लान्द्रुकमा हनी हन्टिङ महोत्सव तयारी
सहारा क्लब पोखरालाई वर्ष उत्कृष्ट क्लबको अवार्ड
पामेका अनधिकृत संरचनामा महानगरको डोजर
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
hero news full width
मुख्य समाचार
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
वैशाख २५, २०८१गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१