म्याग्दी । म्याग्दीको बेनी नगरपालिकाले संशोधित बजेट र वातावरण सम्बन्धी बनेको विधेयक पारित गरेको छ ।
नगरपालिकाको सोमबार सम्पन्न आठौं नगरसभामा नगर उपप्रमुख सञ्जु बरुवालले प्रस्तुत गरेको चालु आर्थिक वर्ष २०७७/७८ को संशोधित बजेट पारित गरेको छ ।
नगरसभामा विपद् व्यवस्थापन समिति संयोजक तथा वडा नम्बर १ का अध्यक्ष टेकबहादुर रावलले प्रस्तुत गरेको स्थानीय तहमा वातावरण तथा प्राकृतिक स्रोतको संरक्षण सम्बन्धमा व्यवस्था गर्न बनेको विधेयक, २०७७ पारित भएको छ ।
गत असार १८ गते सम्पन्न नगरसभाले ६२ करोड ३२ लाख ५८ हजार २६४ रुपैयाँको बजेट पारित गरेको थियो । गत आर्थिक वर्षमा खर्च हुन बाँकी बजेटलाई थप गरेर ६६ करोड ७ लाख ४६ हजार ४४२ रुपैयाँको बनाइएको छ । सञ्चित कोषमा रहेकामध्ये २ करोड ७८ लाख ८८ हजार ४ सय ७० रुपैयाँ विभिन्न योजनालाई विनियोजन गर्ने कार्यपालिकाको बैठकको निर्णयलाई नगरसभाले पारित गरेको उपप्रमुख बरुवालले बताइन् ।
बाँकीमध्य थप १ करोड ९० लाख ८० हजार रुपैयाँ पनि विभिन्न योजना तथा कार्यक्रममा बिनियोजन भएको छ । वडा नम्बर ८ को कार्यालय र क्याम्पस चोकको बाढी व्यवस्थापन गर्न निजी घरजग्गा अधिग्रहणका लागि ७२ लाख ७३ हजार रुपैयाँ विनियोजन भएको छ । यसैगरी, नगर उपप्रमुख बरुवालले गत आर्थिक वर्ष २०७६/७७ मा ३ करोड ३३ लाख ३८ हजार ५ सय ५० रुपैयाँ राजश्व संकलन भएकोमा चालु आर्थिक वर्षको पुस मसान्तसम्म १ करोड ४८ लाख १० हजार ९ सय ८७ रुपैयाँ संकलन भएको जानकारी गराए । यस वर्ष नगरपालिकाले ४ करोड ४ लाख रुपैयाँ राजस्व संकलन गर्ने प्रक्षेपण गरेको थियो ।
वातावरण सम्बन्धी ऐन बनेपछि नदीजन्य पदार्थको उत्खनन् निकासी र अन्य विकास आयोजनाको प्रारम्भिक वातावरणीय परिक्षणको प्रतिवेदन नगर कार्यपालिकाले पारित गर्ने अधिकार पाएको छ । यसअघि जिल्ला समन्वय समितिले आइई प्रतिवेदन पारित गर्दै आएको थियो । ऐनले फोहोरमैलाको व्यवस्थापन र साँध सिमानाका रुख काट्ने अधिकारी पनि नगरपालिकाले प्रयोग गर्ने कानुनी बाटो खोलिदिएको प्रमुख प्रशासकीय अधिकृत छविलाल सुवेदीले बताए । फोहोर व्यवस्थापनमा असहयोग र ऐनको उल्लंघन गर्नेलाई जरिवाना समेत गर्न पाउने व्यवस्था गरिएको छ ।
नगरसभामा नगरप्रमुख हरिकुमार श्रेष्ठले चालु आर्थिक वर्षमा नगरपालिकाको उपलब्धि र प्रगति प्रस्तुत गरे । उनले कोरोना नियन्त्रण र व्यवस्थापनसँगै यस वर्ष क्याम्पसचोकको बाढी र वडा कार्यालय निर्माणका लागि जग्गा अधिग्रहण, बहुउद्देश्यीय मैदानमा बसपार्क सञ्चालन लगायतका विकास आयोजना कार्यान्वयनमा तीव्रता दिएको बताए ।
नगर प्रमुख श्रेष्ठले चालु आर्थिक वर्षमा बजेट विनियोजन भएका ४ सय ५ वटा मध्य हालसम्म १६२ वटाको सम्झौता र ३५ वटाको भुक्तानी समेत भएको जानकारी दिए । उनले वडा अध्यक्षहरुलाई समयमै विकास निर्माणका योजनाहरु सम्झौता गर्न समेत निर्देशन दिए ।
Related News
सम्बन्धित समाचार
महिलाको लगानीमा सरफ उद्योग सञ्चालन
स्वतन्त्र प्रेसले मात्र लोकतन्त्र सुदृढ हुन्छ : राष्ट्रपति
पहिचान एवं राष्ट्रिय मुद्दा कार्यान्वयनमा ऐक्यबद्धता जनाउन प्रधानमन्त्रीको अपिल
ठूला दलबीच सहकार्य आवश्यक छ : प्रमुख सचेतक लेखक
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
hero news full width
मुख्य समाचार
सीतालाई सामाजिक. बेदबहादुरलाई खानेपानी मन्त्रालयको जिम्मा
सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१