पोखरा | ‘छुट्याऔं फोहोर, बनाऔं मोहर’ नाराका साथ पोखरा महानगरपालिकाले नगरभित्र उत्पादन हुने फोहोर घरघरमै वर्गीकरण तथा व्यवस्थापन गर्ने अभियान सञ्चालन गर्ने भएको छ । पहिलो चरणमा महानगरका १० वटा वडामा संचालन गरिने सो अभियान प्रभावकारी बनाउन सुझाव संकलन थालिएको छ । सोको लागि मेयर मानबहादुर जिसीको संयोजकत्वमा सरोकारवाला र सम्बन्धित क्षेत्र समेटेर १ सय ४८ सदस्यीय मूल समिति गठन गरिएको छ ।
महानगरका अनुसार पहिलो चरणमा वडा १, ५, ८, १०, १३, १६, १७, १९, २६ र २७ मा अभियान सञ्चालन गरिने भएको हो ।
सुझाव संकलन अन्तक्र्रिया एवं बैठकमा बोल्दै मेयर जिसीले घरमा उत्पादन हुने फोहोर ३ प्रकारले वर्गीकरण गरी संकलन गरेर व्यवस्थापनमा अभिप्रेरित गर्ने अभियानको उद्देश्य रहेको बताए । उनले कुहिने फोहोर कम्पोस्ट मल तथा इनर्जी निकाल्न प्रेरित गर्दै कौसीखेती वा करेसाबारीमा सदुपयोग गर्न अभियानले सघाउने बताए । पुनः प्रयोग हुने फोहोरलाई बिक्री गरी आम्दानी गर्ने र फाल्नै पर्ने फोहोर छुट्टै संकलन गरी महानगरले व्यवस्था गरे अनुसार बिर्सजन गर्न अभियानले प्रोत्साहन गर्ने बताए ।
कार्यक्रमबीच फोहोर वर्गीकरण मापदण्ड तयार गरी स्वीकृत गर्ने, घरघरमा ३ प्रकारका फोहोरको वर्गीकरण गर्ने, हाल सञ्चालनमा रहेका संकलन प्रक्रिया यथास्थितिमा नै आगामी ४ महिनासम्म निरन्तरता दिने, ४ महिनाभित्रमा फोहोर मैला व्यवस्थापन, मूल्य लगायतका मापदण्ड निर्माण गरी स्वकृतिको लागि महानगरमा सिफारिस गर्ने निर्णय गरिएको छ ।
अभियानलाई क्रमशः सबै वडामा विस्तार गर्ने र वडा अध्यक्षको संयोजकत्वमा प्रत्येक वडामा मूल समिति र सचिवालय समिति गठन गरी फोहोर मैला व्यवस्थापन गर्ने निर्णय गरेको छ ।
बैठकले २५ सदस्यीय सचिवालय गठन गरेको मूल समितिका सहसंयोजक तथा महानगर कार्यपालिका सदस्य राधिका साही योगीले जानकारी दिइन् ।
महानगरका प्रमुख प्रशासकीय अधिकृत महेश बरालले सबैको साथ, सहयोग र सुझावलाई समेटेर अभियान अगाडि बढाइने बताए ।
बैठकमा दलका प्रतिनिधिहरुले अभियानको समर्थन गर्दै सहयोग गर्ने प्रतिवद्धता व्यक्त गरेका छन् ।
नेकपा कास्कीका अध्यक्ष तथा गण्डी प्रदेश सांसद कृष्ण थापाले भाषण गरेमात्र पोखरा सफा नहुने र काम नै गर्नुपर्ने भन्दै विशेषगरी महानगरकै जनप्रतिनिधि खटिनुपर्ने बताए ।
काँग्रेसका सचेतक एवं पोखरा ९ का वडाध्यक्ष रामराज लामिछानेले पोखराको फोहोर व्यवस्थापन गर्न महानगरले ल्याएको अभियानमा समर्थन जनाउँदै सहयोग गर्ने प्रतिवद्धता व्यक्त गरे ।
राप्रपा कास्की कावा अध्यक्ष गणेशबहादुर ढकालले फोहोर वर्गीकरण गरेर व्यवस्थापन गर्ने अभियानमा सान्दर्भिक भएको बताए ।
सहरी योजना आयोगका सदस्य सरोज कोइरालाले कार्यपत्र प्रस्तुत गर्दै पोखरामा दैनिक १ सय ८२ टन फोहोर उत्पादन हुने गरेको बताए । उनका अनुसार फोहोरमध्ये ८० प्रतिशत घरयासी फोहोर नै उत्पादन हुने गरेको छ । कोइरालाले पोखराको क्षेत्र ठूलो भएकाले भेग हेरेर तीन ठाउँमा ल्यान्डफिल साइट निर्माण गर्नुपर्ने अध्ययनले देखाएको बताए ।
महानगरका कृषि महाशाखाका प्रमुख मनहर कडरियाले कार्यपत्र प्रस्तुत गर्दै महानगरका करिब १ लाख ५० हजार घरमा कौसीखेती गर्दा मासिक करिब ५० करोडसम्मको तरकारी फलाउन सकिने बताए ।
पोखरा महानगरपालिका सरसफाइ शाखाका प्रमुख तथा मूल समिति सदस्यसचिव कल्पना बरालले हाल महानगरबाट फोहोर व्यवस्थापनबारे कार्यपत्र प्रस्तुत गरेकी थिइन् ।
Related News
सम्बन्धित समाचार
पोखराको चाउथेमा बिजुली पसलमा आगलागी हुँदा १ करोडको क्षति
डुंगा पल्टिएपछि तत्कालै उद्धार
मधेशका सभामुखको टोली महेन्द्रगुफामा
प्रकटको स्मरणमा फिल्म ‘प्रतिबद्धता’ प्रदर्शन
कैदीबन्दी न्यायिक सरोकारमा नलबहादुर मनोनित
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१