पोखरा–३, नदीपुरस्थित पोखरा कलेज अफ म्यानेजमेन्टको १८ औं वार्षिकोत्सव अवसरमा आयोजित सप्ताहव्यापी कार्यक्रम शुरु भएको छ।

कार्यक्रमको पहिलो दिन म्याराथन र साईकल र्याली गरिएको छ। र्यालीमा कलेजका शिक्षक, कर्मचारी र विद्यार्थी गरी १ सय २० जना सहभागी थिए।

कलेज प्राङ्गणबाट शुरु भएको र्याली पालिखेचोक, महेन्द्रपुल, नयाँबजार, पृथ्वीचोक, सभागृहचोक, सिर्जनाचोक, बगालेटोल, सिद्धार्थचोक, रामकृष्णटोल, गैह्रापाटन हुँदै पुनःकलेजमा आएर समापन भएको थियो।

म्याराथनमा छात्रतर्फ बीबीए दोस्रोका अभिषेक नेपाली प्रथम, बीसिआइएस सेकेण्डका उमेश गुरुङ द्वितीय, बीबीए सेभेनका उमंग गुरुङ तृतीय भएका छन्।

छात्रातर्फ बीबीए सेभेनकी रोश्नी गुरुङ प्रथम, बीबीए सेभेनकी सुष्मा गुरुङ द्वितीय र बीबीए फोर्थकी प्रतिमा कँडेल तृतीय भएका छन्।

२०५९ सालमा स्थापना भएको सो कलेजमा बीबीए र बीसीआइएस कार्यक्रम सञ्चालन भैरहेको छ।

सप्ताहव्यापी कार्यक्रम अन्तर्गत साउन १२ गते रक्तदान र चित्रकला, १३ गते हाजिरीजवाफ र प्रतिभाको खोजी, साउन १४ गते सामूहिक लोकनृत्य, पे्ररणात्मक मन्तव्यसहित खेलकुद पुरस्कार वितरण र १५ गते मूल समारोह रहने जनाइएको छ।