लमजुङ । गण्डकी प्रदेशका कृषि तथा भूमि व्यवस्था मन्त्री महेन्द्रध्वज जिसीले हिजोका दिनमा कृषक भएर बुझेको समस्या र आज मन्त्री भएको बुझेको समस्यामा आकाशजमिनको फरक पाएको बताएका छन् ।
भेटेरिनरी अस्पताल तथा पशु सेवा विज्ञ केन्द्र र कृषि ज्ञान केन्द्र लमजुङले गत आव २०८०/८१ को कार्यक्रम र बजेट सार्वजनिकीकरण कार्यक्रमको बुधबार उद्घाटन गर्दै उनले सो कुरा बताएका हुन् ।
मन्त्री जिसीले कृषकका समस्याको उचित समाधान हुन नसक्नुमा कार्यान्वयनको क्षेत्रमा बसेका हामीहरूको नियत ठीक नहुनुको परिणति भएको स्वीकारे । सरकारका नीति र कार्यक्रम जनप्रतिनिधिसम्म त पुगेको रहेनछ भने किसानसम्म त्यो कसरी पुगेको छ भनी विश्वास कसरी गर्ने, उनको प्रश्न थियो । ‘हामी उत्पादनमुखी हुनुपर्नेमा पैसामुखी भएका छौं, समस्याको जड भनेकै त्यही हो,’ उनले उल्लेख गरे ।
२ कार्यकाल जिविसको सभापति तथा संविधानसभाको समेत सदस्य भएका जिसीले नियत सफा भएमा उपरवालाले पनि बचाउँछन् भन्ने उदाहरण दिदँै फिल्डमा के छ ? भन्ने मुख्य कुरा हो भने । उनले बजेट होल्ड गरेर राख्नुमात्र उपलब्धि होइन भन्दै त्यसलाई खर्च गरेर परिणाममुखी बनाउनु अर्को चुनौतीपूर्ण हो भने ।
गण्डकी प्रदेशका सदस्य डा. टकराज गुरुङले सरकारले छोटो अवधिमा नीति कार्यक्रम र बजेट ल्याउनु पर्ने बाध्यता रहेको भए तापनि विगतभन्दा केही फरक कार्य गर्ने सोच प्रदेश सरकारको रहेको बताए । उनले नीतिमा कृषि र बजेटमा पूर्वाधारलाई प्राथमिकतामा राखिएको जानकारी दिए ।
जिसस प्रमुख पूर्णबहादुर गुरुङको अध्यक्षतामा भएको सो कार्यक्रममा प्रदेश सभाका सदस्य पार्वती तामाङ, प्रमुख जिल्ला अधिकारी रामकृष्ण अधिकारी लगायतले शुभकामना व्यक्त गरेका थिए ।
सो अवसरमा कृषि ज्ञान केन्द्रका प्रमुख सुदीप खतिवडाको चालु आवको बजेट ६ करोड १ लाख ६१ हजार रहेको जानकारी दिए । त्यस्तै, भेटेरिनरी अस्पताल तथा पशु सेवा विज्ञ केन्द्रको वार्षिक बजेट ४ करोड ९८ लाख रुपैयाँ रहेको सो कार्यालयका प्रमुख वरिष्ठ पशु चिकित्सक रुपेश श्रेष्ठले बताए ।
Related News
सम्बन्धित समाचार
पोखरा २८ मा कृषियन्त्र र मौरी घार वितरण
धानको लोपोन्मुख प्रजाति संरक्षण गरिँदै
अन्नपूर्णमा धानखेती तालिम
किसानलाई मौरीसहितको घार अनुदानमा
‘कुखुरा कल्याणमा केज प्रणाली अनुपयुक्त’
hero news full width
मुख्य समाचार
पोखरा सिँगार्न दिनहुँ श्रमदानमा खटिन्छन् सीताराम
मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१जनप्रिय क्याम्पस प्रमुखमा रमेशबहादुर खड्का
जेठ ४, २०८१