पोखरा । भाष्कर मेमोरियल स्कुल पोखरा ११ फूलबारीमा शैक्षिक सत्र २०७६/०७७ को शैक्षिक तथा २०७८ को खेलकुद पुरस्कार वितरण गरिएको छ । कार्यक्रमको विद्यालयका संस्थापक अध्यक्ष माधवी बाँस्तोला तथा भाष्कर मेमोरियल र गुरुकुल आवासीय माविका संरक्षक ई.धर्मराज कोइरालाले उद्घाटन गरेका थिए ।
कार्यक्रममा प्राचार्य नारायण आचार्यले विद्यालयको शैक्षिक सत्रलाई अझ प्रभाकारी बनाई विद्यार्थीमैत्री शिक्षण सिकाइ अगाडि बढाउने बताए ।
विद्यालयका संस्थापक अध्यक्ष माधवी बास्तोलाको अध्यक्षतामा भएको उक्त कार्यक्रममा प्राथमिक तह इन्चार्ज इन्दिरा शर्माले स्वागत मन्तव्य राखेकी थिइन् । कार्यक्रम सञ्चालन शिक्षक मनोजविक्रम क्षत्रीले गरेका थिए ।