पोखरा । ऐतिहासिक ढुंगसाँघु मेलामा महानगरस्तरीय कृषि जैविक विविधता मेला तथा कन्दमूल एवं परिकार प्रदर्शनी सम्पन्न भएको छ । पोखरा महानगरपालिकाअन्तर्गत आर्थिक विकास महाशाखाको आयोजनामा प्रदर्शनी गरिएको हो ।
मेलामा घरमा उत्पादनमा भएको कन्दमूल प्रदर्शनी प्रतियोगिता, वनमा उत्पादन भएको कन्दमूल प्रदर्शनी प्रतियोगिता, माघी परिकार प्रदर्शनी प्रतियोगिता, जैविक विविधतासम्बन्धी कृषि गीत प्रतियोगिता समेत गरिएको महाशाखा प्रमुख मनहर कडरियाले जानकारी दिए । उनकाअनुसार मेलामा स्थानीय जातका लोपोन्मुख उत्पादनका बिउबिजनहरूसहित १० थरी तरुल, गिठा, भ्याकुर, पिँडालुतर्फ १० थरी, र ३ थरीका सखरखण्ड प्रदर्शन गरिएको छ । बागवानी अनुसन्धानका केन्द्रमा तयार गरिएका कन्दमूलहरूसमेत प्रदर्शन गरिएको छ ।
पोखरा महानगरपालिकाका प्रमुख धनराज आचार्यले स्थानीय उत्पादन वृद्धि र उत्पादनको बजार सुनिश्चितताका लागि आवश्यक व्यवस्थापन गर्ने बताए । किसालाई अनुदान तथा साझेदारी कार्यक्रममार्फत् सहुलियत प्रदान गर्दै प्रांगारिक उत्पादनमा हौसला प्रदान गरिएको उल्लेख गरे । परम्परागत खेती प्रणालीलाई आधुनिकीकरण तर्फ लैजाँदै यान्त्रिकीकरणलाई समेत विशेष जोड दिइएको उनले बताए ।
मेलामा स्थानीय जातका लोपोन्मुख बिउबिजनसहित १० थरी तरुल, गिठा, भ्याकुर, पिँडालु १० थरी र ३ थरी सखरखण्ड प्रदर्शन
मेलाका अवसरमा गरिएको जैविक विविधता विषयक कृषि गीत प्रतियोगितामा कृषि सञ्जाल ३३ प्रथम भएको छ । यस्तै सफल महिला कृषक समूह, पोखरा २९ दोस्रो, कृषि सञ्जाल २५ तेस्रो र कृषि सञ्जाल ३० सान्त्वना भए । माघी परिकार केन्द्रित प्रतिस्पर्धामा टंकनाथ बस्ताकोटी पोखरा २४ प्रथम, रुपा बराल, पोखरा १३ दोस्रो, संगीत सुनार, पोखरा १६ तेस्रो र सोबित अधिकारी, पोखरा २८ सान्त्वना भए ।
कन्दमूल प्रदर्शनी तथा प्रतियोगितामा सहभागी १५ समूहले २३ थरी परिकार प्रदर्शनी गरेका छन् । घरमा उत्पादित कन्दमूलतर्फ देवीलाल बराल पोखरा २२ प्रथम, सीता अधिकारी पोखरा ३३ दोस्रो, सीता कँुवर पोखरा २५ तेस्रो र रामजी पौडेल पोखरा २२ सान्त्वना भए । वनमा उत्पादित कन्दमूलतर्फ प्रदीप ढकाल पोखरा २२ प्रथम, चमेरेगुफा कृषक समूह पोखरा १६ दोस्रो, टेकनाथ बराल पोखरा १३ तेस्रो र देवीलाल बराल, पोखरा २२ सान्त्वना भए ।
विजेताहरूलाई पोखरा १७ की वडाध्यक्ष राधिकाकुमारी शाही योगीले नगद पुरस्कारसहित प्रमाणपत्र प्रदान गरिन् । दोस्रो राष्ट्रिय जैविक विविधता संरक्षण दिवसका अवसरमा सो कार्यक्रम गरिएको हो ।
Related News
सम्बन्धित समाचार
पोखरा २८ मा कृषियन्त्र र मौरी घार वितरण
धानको लोपोन्मुख प्रजाति संरक्षण गरिँदै
अन्नपूर्णमा धानखेती तालिम
किसानलाई मौरीसहितको घार अनुदानमा
‘कुखुरा कल्याणमा केज प्रणाली अनुपयुक्त’
hero news full width
मुख्य समाचार
पोखरा सिँगार्न दिनहुँ श्रमदानमा खटिन्छन् सीताराम
मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१जनप्रिय क्याम्पस प्रमुखमा रमेशबहादुर खड्का
जेठ ४, २०८१