साधन राम्जाली -म्याग्दी । म्याग्दीको अन्नपूर्ण गाउँपालिकाले विशेष गाउँसभाबाट साढे ३ करोड रुपैयाँ बढी बजेट थप विनियोजन गरेको छ । गाउँपालिकाको केन्द्र पोखरेबगरमा गाउँपालिका अध्यक्ष क्याप्टेन डमबहादुर गर्बुजा पुनको अध्यक्षतामा सम्पन्न विशेष गाउँसभाले चालु आर्थिक वर्ष २०७६/७७ का लागि थप बजेट विनियोजन गर्ने निर्णय गरेको हो ।
गाउँसभाले गत आर्थिक वर्षमा खर्च हुन नसकेर बाँकी भएको ३ करोड ५० लाख ९८ हजार रुपैयाँ विभिन्न ३९ वटा योजनामा विनियोजन गर्ने निर्णय गरेको छ ।
गाउँपालिका उपाध्यक्ष केशमाया मगरले प्रस्तुत गरेको अल्या बजेटबाट थपिएका र २४ वटा शीर्षकान्तर गरिएका योजना तथा कार्यक्रमको प्रस्ताव गाउँसभामा सहभागी सदस्यको छलफलपछि पारित भएको हो । गत असारमा भएको गाउँसभाबाट १ सय ६९ वटा योजना तथा कार्यक्रमका लागि ७ करोड २२ लाख ९८ हजार रुपैयाँ बजेट विनियोजन भएको थियो । सो बजेटमा अल्या बजेट थप भएको हो । यसैगरी संघीय र प्रदेश सरकारमा माग गरिने ४० वटा भन्दा बढी योजना प्रस्ताव समेत गाउँसभाले पारित गरेको छ ।
गाउँपालिका अध्यक्ष क्याप्टेन गर्बुजा पुनले लोक सेवा आयोगले गत पुसमा नयाँ लेखा अधिकृत र लेखापाल पठाएपछि अल्या बजेट पहिचान गरेर चालू आर्थिक वर्षको बजेटमा समावेश गरिएको बताए । उनले लेखा, प्राविधिक र प्रशासनिक कर्मचारी अभावमा प्रभावित भएको प्रशासनिक, आर्थिक र पूर्वाधार निर्माणसम्बन्धी कार्यक्रम नयाँ कर्मचारी आएकाले अब तीव्र साथ कार्यान्वयनमा लैजानुपर्ने बताए ।
अध्यक्ष क्याप्टेन गर्बुजा पुनले बजेट विनियोजन भएका योजना तथा कार्यक्रम प्रभावकारी र दिगो बनाउन कर्मचारी, प्राविधिक, जनप्रतिनिधि सबै सक्रिय भएर लाग्नुपर्नेमा बताए । कर्मचारी समायोजन भएपछि कार्यरत कर्मचारी सरुवाका कारण पुससम्म ठप्प जस्तै भएको गाउँपालिकाको काम नयाँ कर्मचारी आएपछि बल्ल शुरु भएको उनको भनाइ छ ।
उनले अबको ४ महिनामा उपलब्धि देखिने र बजेटको सदुपयोग हुने गरी योजना कार्यान्वयनमा जुट्न आग्रह गरिन् । आवधिक योजना र गुरुयोजना तयार पारेर ठूला आयोजना भित्र्याउन पहल गरिने उपाध्यक्ष मगरले बताइन् ।
प्रमुख प्रशासकीय अधिकृत नवीन सुवेदीले प्रशासनीक सेवा प्रवाहलाई सहज र सरल बनाइने बताए । उनले बजेट खर्च हुने तर उपलब्धि नहुने टुक्रे योजनाभन्दा ठूला बजेटका महत्वपूर्ण योजनालाई ध्यान दिन जनप्रतिनिधिलाई आग्रह गरे । गाउँसभाका सदस्यले प्रस्तुत बजेट, योजना तथा कार्यक्रम र गाउँपालिकाको समस्याको बारेमा टिप्पणी, सुझाव र गुनासा व्यक्त गरेका थिए । दोवाका वडाध्यक्ष दिलीप गर्बुजाले कार्यपालिकाले गरेका निर्णयको व्यक्तिगत स्वामित्व लिने प्रवृतिले समस्या र जनतामा भ्रम पैदा गरेको बताए ।
हिस्तानका वडाध्यक्ष टीका घताने र माया पुनले गुरगुरे–बैसरी मोटरपुल अलपत्र परेको, लेखा समिति गठन गर्ने अघिल्लो गाउँसभाको निर्णय कार्यान्वयन नभएको, दोसल्लेको सिँचाइ समस्या र सुन्तलाको जुस बनाउने योजना आवश्यक रहेकोमा ध्यानाकर्षण गराए । राम्चेका वडा सदस्य देवकुमारी खोरजा पुन र गेममाया पुनले गाउँसभा सदस्य तथा विषयगत समितिको भूमिका बढाउनुपर्ने, कृषिका योजनालाई प्राथमिकता दिनुपर्ने, फलामेडाडा–नागी–राम्चे सडक ओझेलमा परेको, गर्भवती महिलालाई लक्षित गरेर स्थापित कोषबाट सुविधा पाउन नसकेको विषयमा ध्यानाकर्षण गराए ।
हिस्तानका वडा सदस्य हर्कबहादुर पुनले झोलुङ्गे पुल हेरालुको बजेट कटौती भएकोमा ध्यानाकर्षण गराउँदै पालिकाबाट थोरै भएपनि बजेट व्यवस्थापन गर्न माग गरे । उनले अन्नपूर्ण गाउँपालिकामा रहेका नारच्याङ पञ्चकुण्ड, खयर, प्यारीबाराही, नांगीबाराहीलगायत ताललाई अभिलेखीकरण गराउन माग गरे । जिल्ला समन्वय समिति सदस्य बोमाया गर्बुजाले योजना अनुगमनका लागि स्थानीय तहले जिससलाई विवरण उपलब्ध गराउन अनुरोध गरिन् । गाउँसभाको उद्घाटन सत्र सञ्चालन गरेका कार्यपालिकाका प्रवत्ता समेत रहेका घारका वडाध्यक्ष कृष्णप्रसाद बरुवाल र राम्चेका वडाध्यक्ष खमबहादुर गर्बुजाले उच्च मनोबल र सक्रियताका साथ योजना कार्यन्वयनमा जुट्नुको विकल्प नभएको बताए ।
Related News
सम्बन्धित समाचार
जिबी राईको राहदानी रद्द भएन
पोखराको प्राइम सहकारी पनि समस्याग्रस्त, डेढ अर्ब हिनामिना
सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
राष्ट्रपतिबाट सरकारको नीति तथा कार्यक्रम प्रस्तुत
लोकतान्त्रिक आन्दोलनका जिउँदा सहिद खगेन्द्र सर
hero news full width
मुख्य समाचार
वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
मन्त्रीपरिषदबाट १६ औँ पञ्चवर्षीय योजना पारित
जेठ १, २०८१गर्मीले भकाभक कुखुरा मर्दा मासु अचाक्ली महँगो
जेठ १, २०८१कांग्रेस नेता खगेन्द्रराज रेग्मीको निधन
जेठ १, २०८१पहिले छाती नाप्न गल्ला आउँथे, अहिले एजेन्ट
वैशाख ३१, २०८१जग्गाधनीले रोके रुपाताल परियोजनाको काम
वैशाख ३०, २०८१