रुपनारायण ढकाल : बागलुङ, २२ फागुन । बाग्लुङ जिल्लाका सामुदायीक होमस्टे संचालकहरुका लागि तीन दिने ब्यावसायीक क्षमता अभिवृद्धी तालिम बिहीबारदेखी गलकोटमा सुरु भएको छ ।
जिल्लाको गलकोट नगरपालिका २ नरेठाँटीमा सुरु भएको आधारभूत तालिममा ३० होमस्टेका ६० जनाको सहभागिता रहेको आयोजक गाउँ पर्यटन प्रबर्द्धन मन्च, भिटोफ नेपालका गण्डकी प्रदेश अध्यक्ष नबराज अधिकारीले जानकारी दिए । तालिमलाई गलकोट नगरपालिका र बाग्लुङकै तमानखोला गाउँपालिकाले सघाएका छन् भने नेपाल पर्यटन बोर्डले प्रबर्द्धन गरेको छ ।
गलकोट नगरपालिकाका प्रमुख भरत शर्मा गैह्रेले तालिमको उद्घाटन गरेका थिए । सो अवसरमा उनले होमस्टेलाई पर्यटनसँग जोडेर नगरपालिकाले योजना अगाडि बढाएको भनाई राखे । तालिमका माध्यमबाट सहभागीले अतिथी सत्कार सम्बन्धी सीप सिक्ने पनि उनले सो अवसरमा बताए ।
कार्यक्रममा बोल्दै भिटोफ गण्डकीका अध्यक्ष अधिकारीले आफ्नो संस्थाले हरेक ठाउँ पर्यटकीय गाउँ भन्ने नाराका साथ विभिन्न पर्यटन मेला, गोष्ठी, छलफल जस्ता कार्यक्रम आयोजना गर्दै आएको स्मरण गराए । सफाई, हाउस किपिङ, सामाजिक संजाल र बजारिकरणका विषयमा प्रा डा प्रेम शर्माले तालिम दिने अधिकारीले सुनाए । गण्डकी प्रदेश सरकारले घोषणा गरेका र संचालन गरेका भ्रमण बर्षका कार्यक्रमलाई सफल बनाउन समेत भिटोफले आफ्नो तर्फबाट पहल गरिरहेको जानकारी उनले दिए ।
गलकोट नगरपालिकाका प्रशासकीय अधिकृत शिशिर पौडेलले पर्यटन र होमस्टेका लागि बजारिकरणको ठूलो महत्व हुने भनाई राखे । तालिमका संयोजक श्याम लामिछानेले गाउँको कला, संस्कृती र रहनसहनको प्रबर्द्धन र बजारिकरणमा भिटोफले सघाउँदै आएको बताए । पर्यटनका माध्यमबाट आर्थिक समृद्धी संभव भएको भन्दै उनले सहभागीको क्षमता र आयस्तर बढाउन सघाउने उद्देश्य कार्यक्रमले लिएको जानकारी दिए ।
गलकोट २ का वडा अध्यक्ष हिमबहादुर भण्डारीले सरसफाईका तरिका, गाउँले उत्पादनको बजारिकरण र पाहुना सेवा सिक्ने अवसर तालिमबाट प्राप्त हुने भनाई राखे । आफ्नो नगरपालिकामा मात्र ४ वटा होमस्टे संचालनमा रहेको र वडा २ मा एउटा तोरीखोला होमस्टे रहेको अवगत गराए ।
बाग्लुङ स्थित होम स्टे संचालकका अध्यक्ष चुडामणी छन्त्यालको सभापतित्वमा भएको कार्यक्रममा नेकपा गलकोट नगर कमिटी अध्यक्ष ललित शिरीष र राष्ट्रिय जनमोर्चा गलकोट नगर कमिटी अध्यक्ष टंक केसीले पनि भनाई राखेका थिए ।
Related News
सम्बन्धित समाचार
जिबी राईको राहदानी रद्द भएन
पोखराको प्राइम सहकारी पनि समस्याग्रस्त, डेढ अर्ब हिनामिना
सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
राष्ट्रपतिबाट सरकारको नीति तथा कार्यक्रम प्रस्तुत
लोकतान्त्रिक आन्दोलनका जिउँदा सहिद खगेन्द्र सर
hero news full width
मुख्य समाचार
वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
मन्त्रीपरिषदबाट १६ औँ पञ्चवर्षीय योजना पारित
जेठ १, २०८१गर्मीले भकाभक कुखुरा मर्दा मासु अचाक्ली महँगो
जेठ १, २०८१कांग्रेस नेता खगेन्द्रराज रेग्मीको निधन
जेठ १, २०८१पहिले छाती नाप्न गल्ला आउँथे, अहिले एजेन्ट
वैशाख ३१, २०८१जग्गाधनीले रोके रुपाताल परियोजनाको काम
वैशाख ३०, २०८१