पोखरा, ५ असोज । लायन्स क्लब अफ पोखरा स्मार्ट टाउनले डेंगु रोगसम्बन्धी सचेतना कार्यक्रम सम्पन्न गरेको छ । रामकृष्ण टोल नेवा मिसा पुचसँगको सहकार्यमा कार्यक्रम गरिएको क्लबका अध्यक्ष कविता श्रेष्ठले जानकारी दिइन् ।

कार्यक्रममा बोल्दै प्रमुख अतिथि लायन्सका पास्ट मल्टिपल काउन्सिल चियरपर्सन दीपक श्रेष्ठले पछिल्लो समय डेंगु रोग बढिरहेको अवस्थामा क्लबले सचेतना कार्यक्रम आयोजना गर्नु प्रशंसनीयकार्य भएको बताए ।

पोखरा महानगरपालिका वडा नं. ४ का अध्यक्ष शंकर बास्तोलाले डेंगु सचेतना लगायतका सामाजिक कार्यक्रममा महानगरको तर्फबाट वडाले सहकार्य गर्न तयार रहेको बताए ।

कार्यक्रममा सामाजिक विकास मन्त्रालयका खोप अधिकृत एक नाराय०ा लम्सालले सहजीकरण गर्दै डेंगु रोगको बारेमा सचेतनाका उपाय बारेमा प्रकाश पारेका थिए । क्लबका अध्यक्ष कविता श्रेष्ठको अध्यक्षतामा आयोजित कार्यक्रममा रामकृष्ण टोल नेवा मिसा पुचका अध्यक्ष भवानी मकाजु,सल्लाहकार पार्वती मकाजु,सचिव रेनु श्रेष्ठ, स्वस्थ्यकर्मी सुजन पौडेल, लायन्सका रिजन चियरपर्सन लक्ष्मी बराल, जोन चियरपर्सन ठाकुरप्रसाद अधिकार लगायतले आफ्नो भनाई राखेका थिए ।