लायन्स क्लब अफ पोखरा गण्डकी स्टेटले पोखरा– १९ लामाचौर स्थित गौतम भातृ समाज केन्द्रीय कार्यालय परिसरमा शनिबार वृक्षरोपण गरेको छ ।

गौतम भातृ समाजको सहकार्यमा बेलपत्र, रुदाक्ष, स्वामी, कपुर, कल्की, धुपी, आँप, पैयूँ, तेजपत्ता, कुरिलो, कपुर गरी विभिन्न जातका १ सय विरुवा रोपेको हो । प्रमुख अतिथि गण्डकी प्रदेशका सांसद ओमकला गौतमले विरुवा रोपेर उद्घाटन गरेका थिइन् । सो अवसरमा गौतमले क्लबले मानवीय, सामाजिक एवं पर्यावरणीय कार्य गरेकोे प्रशंसा गर्र्दै हार्दिक आभार व्यक्त गरिन्।

कार्यक्रममा रिजन चियरपर्सन लायन विष्णु बराल, जोन चियरपर्सन लायन खेम क्षेत्री, चार्टर प्रिसिडेन्ट लायन अमृत बराल , वडा सदस्य तारा परियार, गौतम भातृ समाजका पूर्व अध्यक्ष खिमलाल गौतम लगायतले शुभकामना मन्तव्य राखेका थिए।

लायन्स क्लब अफ पोखरा गण्डकी स्टेटका अध्यक्ष लायन शिव गौतमको अध्यक्षतामा सम्पन्न उक्त कार्यक्रमको स्वागत मन्तव्य प्रथम उपाध्यक्ष लायन नेत्र सुवेदी र सञ्चालन सचिव लायन जसबहादुर गुरुङले गरेका थिए।