पन्ध्र दिने सीपमूलक तालिम

आदर्श समाज सम्वाददाता
असार १७, २०७६
65480765_2072871196353290_4514061141206368256_n

पोखरा, १७ असार । महिलाहरुलाई सीप सिकाएर आत्मनिर्भर बनाउने उद्देश्यसहित पन्ध्र दिने सिपमुलक व्यवसायिक तालिम सुरु भएको छ । लायन्स क्लब अफ पोखरा, गण्डकी तथा पोखरा वुमेन हेन्डीक्राफ्ट डेभ्लबमेन्ट सेन्टरको संयुक्त आयोजनामा तालिम सुरु भएको हो ।

लायन्स क्लब इन्टरनेशनल डिष्ट्रिक्ट ३२५ बि १ का पिएमसिसि ला. दीपक श्रेष्ठले उक्त तालिमको शुभारम्भ गरेका हुन् । कार्यक्रममा बोल्दै श्रेष्ठले सिकेको सीपलाई व्यवहारमा उतार्न उपस्थित प्रशिक्षार्थीलाई आग्रह गरे । सामान उत्पादन संगै विक्री गरेर वा पद्मावती हस्तकला उद्योगसगँ सहकार्य गरी उद्यमशीलतामा अगाडि बढ्न सकिने उनले बताए ।

कार्यक्रममा लायन्स क्लब अफ पोखरा, गण्डकी २०१९/०२० का अध्यक्ष ला. हिरा भट्टराईले महिला सशतिmकरणका लागि आर्थिक समृद्धि आजको आवश्यकता भन्ने नारालाई आत्मसाथ गर्दै क्लब सदैव सेवामुलक काममा अघि बढेको बताइन् । उनले घरमा नै उपलब्ध हुने साधन स्रोतलाई प्रयोग गरेर सामान उत्पादन गर्न सकिने भन्दै नेपाली घरेलु सामानलाई बजारीकरण गर्नका निम्ति सम्भावना बोकेको सीप नै भउको उल्लेख गरिन् ।

सोही अवसरमा जोन चियर पर्सन ला. सीता के.सी, कलस्टर १७ कलस्टर प्रमुख ला. बसन्त गिरी, डेप्युटी चिफ एडभाइजर ला इन्दिरा बराल लगायतले आत्मनिर्भरका निम्ति सीप अपरिहार्य रहेको बताए ।

सो तालिममा वडा नं ९,६ र १४ मा रहेका २५ जना महिला एवं युवालाई पद्मावती हस्तकला उद्योगमा कार्यरत प्रशिक्षक दव्य विष्णु उचै ठकुरी र हीरा कुवँरले प्रशिक्षण दिएका छन् ।

Related News

सम्बन्धित समाचार

hero news full width