पोखरा, ८ पुस । लिग चरणका सबै खेलमा अपराजित रहँदै पारस खड्काकप्तानीको चितवन राइनोज प्रिमियर लिग (पीपीपएल) टी-२० क्रिकेट प्रतियोगिताको फाइनल पुगेको छ ।
साविक उपविजेता चितवनले मंगलबार लिगको आफ्नो अन्तिम तथा पाँचौं खेलमा काठमाडौं गोल्डेन वारियर्सलाई ६० रनले पराजित गर्दै अंकतालिकामा १० अंकसाथ शीर्ष रहँदै उपाधि नजिक पुगेको हो ।
चितवनले यसअघि लिग चरणमा लगातार साविकविजेता पोखरालाई (६ विकेट), बुटवल (११९ रन), धनगढी (५२ रन) र विराटनगर (१८ रन) लाई पराजित गर्दै अविजित रहेको थियो । शनिबार हुने फाइनलमा उपाधि विजेताले २७ लाख रुपैयाँ हात पार्नेछ ।
५ मध्ये २ खेल जित्दै ४ अंकका साथ लिगतालिकामा तेस्रो रहेको काठमाडौंले अब बुटवल र विराटनगरबीच बुधबार हुने खेलको नतिजा कुर्नुपर्नेछ । विराटनगरले फराकिलो रनरेट आधारमा बुटवललाई हराएमा मात्र विराटनगरको प्ले अफ सम्भावना रहनेछ । नभए काठमाडौंको लागि मंगलबारको खेल हारे पनि बुटवलसँग प्ले अफ सम्भावना टरिसकेको छैन । ३ खेलमा जित हात पार्दै ६ अंकका साथ दोस्रो स्थानमा रहेको बुटवल प्ले अफमा पुगिसकेको छ ।
२ खेल जितेर चारै अंक जोडेको धनगढी रनरेट आधारमा काठमाडौंभन्दा पछि छ भने १ खेलमात्र जितेर ४ खेलमा पराजित पोखरा २ अंकका साथ पुछारमा रहँदै लिग चरणबाट बाहिरिइसकेको छ । मंगलबार टस हारेर पहिले ब्याटिङ थालेको चितवनले २० ओभरमा ४ विकेट गुमाउँदै १६७ रनको योगफल तयार पारेको थियो । १६८ रनकोे लक्ष्य पछ्याएको काठमाडौं पूरै २० ओभरमा ९ विकेट क्षतिमा १०७ रनमै समेटिँदा सहजरुपमा प्ले अफ अवसर गुमायो ।
ओपनर रोहन मुस्तफाले नै अर्धशतकीय इनिङ्स खेलेपछि काठमाडौंको लागि जित कठिन बनेको हो । ५२ बलमा १ छक्का र ६ चौका सहित ५९ रन जोडेका म्यान अफ दी म्याच मुस्तफा अविजित रहे । यस्तै तेस्रो ब्याट्म्यानको रुपमा आएका बाबर ह्यातले सर्वाधिक ७० रन जोडे । उनले ४७ बलमा ३ चौका र ६ छक्का प्रहार गरे । आरिफ शेख र सन्नी पटेलले समान १५–१५ रन जोड्दा करन केसीले १ रनमात्र जोडे । काठमाडांैका सुसन भारी, बसन्त रेग्मी र अमर रौटेलाले समान १-१ विकेट लिएका थिए ।
फराकिलो १६८ रनको लक्ष्य पछ्याएको ज्ञानेन्द्र मल्ल कप्तानीको काठमाडौंका लागि कप्तान मल्ल, पवन सर्राफ र प्रिथु बास्कोटा बाहेक अन्य ब्याट्म्यानको प्रदर्शन फितलो रह्यो । ओपनर जयकिसन कोल्सवाल र अमृत श्रेष्ठ खाता नखोल्दै पेभेलियन फकिएकोमा कप्तान मल्लले ३९ बलमा ३ चौका र २ छक्का हान्दै ४० रनको पारी खेले । यस्तै, सर्राफले २७ रन र बास्कोटाले १८ रन जोडे । बसन्त रेग्मी शुन्य रनमा आउट हुँदा अमृत भट्टराई, दीपेश भण्डारी, गौतम तमोर, अमर रौटेला दोहोरो अंकको आँकडाबिनै आउट भए । काठमाडौलाई सस्तैमा समेट्न सन्नी पटेलले १९ रन खर्चेर ३ विकेट झारे । यस्तै, रोहन मुस्तफाले २, करण केसी, रामनरेश गिरी र कप्तान पारस खड्काले समान १-१ विकेट लिएका थिए ।
Related News
सम्बन्धित समाचार
राष्ट्रपतिबाट सरकारको नीति तथा कार्यक्रम प्रस्तुत
लोकतान्त्रिक आन्दोलनका जिउँदा सहिद खगेन्द्र सर
वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
मन्त्रीपरिषदबाट १६ औँ पञ्चवर्षीय योजना पारित
गर्मीले भकाभक कुखुरा मर्दा मासु अचाक्ली महँगो
hero news full width
मुख्य समाचार
कांग्रेस नेता खगेन्द्रराज रेग्मीको निधन
पहिले छाती नाप्न गल्ला आउँथे, अहिले एजेन्ट
वैशाख ३१, २०८१जग्गाधनीले रोके रुपाताल परियोजनाको काम
वैशाख ३०, २०८१चेक बाउन्सको समस्याले व्यवसायी र प्रहरीलाई हैरान
वैशाख ३०, २०८१मातहतका कार्यालयको दैनिक प्रगति पेस गर्न मुख्यमन्त्री अधिकारीको निर्देशन
वैशाख ३०, २०८१नियन्त्रित मुद्रास्फीति, शोधनान्तर र चालुखाता बचतमा
वैशाख ३०, २०८१