पोखरा । सामाजिक विकास कार्यालय कास्की आयोजनामा सामाजिक कुरीतिविरुद्ध प्रशिक्षण कार्यक्रम भएको छ । जिल्ला प्रहरी कार्यालय कास्कीको समन्वयमा भएको दुई दिने प्रशिक्षणमा ४५ जनाले भाग लिएका थिए ।
समाजमा विद्यमान सामाजिक कुरीति, लैंगिक हिंसा, बालविवाह, दाइजो प्रथा, जातीय भेदभाव, मानव बेचविखन तथा ओसारपसार लगायत परम्परागत हानीकारक अभ्यासहरु न्यूनीकरण गर्ने उद्देश्यले प्रशिक्षण कार्यक्रम आयोजना गरिएको हो ।
कार्यक्रममा स्थानीय जनप्रतिनिधि, नागरिक समाज शिक्षक, समुदाय प्रहरी, आमा समूह क्लब, महिला प्रर्वद्धित सहकारी, लैंगिक अल्पसंख्यकबाट प्रतिनिधित्व थियो ।
कार्यक्रममा जिल्ला प्रहरी कार्यालय कास्कीका प्रहरी वरिष्ठ नायव निरीक्षक होतबहादुर रोकाह र अधिवक्ता गीता लामिछानेले सहजीकरण गरेका थिए ।
कार्यक्रममा कास्की जिल्लामा सचेतना जगाउन सामाजिक कुरीतिविरुद्ध जागरण अभियान नै सञ्चालन गर्नुपर्नेमा जोड दिइएको थियो ।
कास्की प्रहरी प्रमुख प्रहरी उपरीक्षक मोहनकुमार थापाले समाजमा हुने विकृति विसंगति न्यूनीकरण गर्नका लागि समुदायसँग समन्वय आवश्यक रहेको बताए । ‘विकृति विसंगति न्यूनीकरण गर्ने काम प्रहरीको हो तर प्रहरी एक्लैबाट त्यो सम्भव छैन,’ प्रहरी उपरीक्षक थापाले भने, ‘विकृति विसंगति न्यूनीकरणका लागि प्रहरी समुदायसँग समन्वय गर्न सधैँ तयार छ ।’ उनले यस्ताखालका कार्यक्रम गर्न लागि आफ्नो कार्यालयबाट निशुल्करुपमा प्रशिक्षक उपलब्ध गराउने प्रतिबद्धता जनाए ।
शिक्षा विकास तथा समन्वय इकाइ कास्कीका प्रमुख लोकनाथ आचार्यले फजुल खर्चका कारण विकृति विसंगति बढ्दै गएको बताउदै यस्ताखालका गतिविधिलाई निरुत्साहित पार्न सबै लाग्नु पर्ने उल्लेख गरे ।
अभियानकर्ता रामबहादुर पौडेलले प्रशिक्षणमा सिकेका सिकाइबाट कास्की जिल्लालाई विकृतिरहित जिल्ला बनानउन सकेमा मात्रै प्रशिक्षणले सफलता पाउने उल्लेख गरे ।
सहभागि गीता पौडेलले सिकेका कुरा व्यवहारमा उतार्न आफ्नोतर्फबाट लागिपर्ने बताइन् । सामाजिक विकास कार्यालय कास्कीका कार्यालय प्रमुख इन्द्रबहादुर थापाको अध्यक्षतामा भएको कार्यक्रम सञ्चालन अधिकृत ज्ञानेश्वर सुवेदीले गरेका थिए ।
Related News
सम्बन्धित समाचार
जग्गाधनीले रोके रुपाताल परियोजनाको काम
सफलको चिनीरहित दही बजारमा
फेवाबाट जलकुम्भी हटाउन अभियान सुरु
पोखरा जेसीजको ७ दिनमा, ७ कार्यक्रम
महिलालाई आत्मनिर्भर बनाउँदै वडा कार्यालय
hero news full width
मुख्य समाचार
सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१मन्त्रीपरिषदबाट १६ औँ पञ्चवर्षीय योजना पारित
जेठ १, २०८१गर्मीले भकाभक कुखुरा मर्दा मासु अचाक्ली महँगो
जेठ १, २०८१