पोखरा, ७ मंसिर । राष्ट्रिय सूचना आयोगका आयुक्त यशोदा तिम्सिनाले नागरिक सचेत भई सूचना माग्ने संस्कार विकास हुनसके भ्रष्टचारा न्यूनीकरण हुने बताएकी छन् ।

महिला पर्यटन व्यवसायी मञ्च (वोटेफ)ले सदस्यहरुका लागि आयोजना गरेको एक दिने सूचनाको हक सम्बन्धी अभिमूखीकरण तालिममा आयुक्त तिम्सिनाले भनिन–सूचना शक्तिशाली औजार हो, यसलाई सही रुपमा सदुपयोग गरौ । भ्रष्टाचार न्यूनीकरण, सरकार र कर्मचारीलाई जवाफदेही बनाउन सूचनाको भूमिका महत्वपूर्ण हुने भनाई उनको छ ।
नेपालको संंविधान धारा २७ मा सूचनाको हकलाई मौलिक हकको रुपमा व्यवस्था गरिएको भन्दै आफ्नो अधिकारको प्रयोग गर्न नागरिक चनाखो हुनुपर्नेमा उनको जोड थियो । कानूनमा प्रत्येक नागरिकलाई आफ्ना वा सार्वजनिक सरोकारको कुनै पनि विषयको सूचना माग्न पाउने अधिकार रहेको उल्लेख गरे ।

आयुक्त तिम्सिनाले सरकारका कामलाई पारदर्शी, उत्तरदायी, बनाउन हरेक नागरिकले सूचना खोज्न आग्रह गरिन् । कार्यक्रमा मञ्चका अध्यक्ष जमुना पराजुलीले पर्यटन क्षेत्रका महिलाको चौतर्फी विकासका लागि सूचनाको हकले पनि जागरुक हुन सहयोग पु¥याएको विश्वास व्यक्त गरे । अब आफुले स्थानीय सरकारको कामकार्वाहीको बारेमा सूचना लिन अग्रसर हुने बताइन् ।