पोखरा, २ कात्तिक । पोखरा लेडी जेसिजको २६ औं शाखा अधिवेशन तथा ३१ औ साधारण सभा सम्पन्न भएको छ ।

पोखरा लेडी जेसिज वर्ष २०१९ का अध्यक्ष जेसी सपना गिरीको सभाध्यक्षतामा भएको सो अधिवेशनबाट वर्ष २०२० का लागि अध्यक्ष पदमा जेसी शोभा भुजेल र्निबिरोध निर्बाचित भएकी छन् ।

यसैगरी कार्यकारिणी उपाध्यक्षमा जेसी अनिता थापा, उपाध्यक्ष पदमा जेसी सुनिता भुजेल, सपना गिरी, सम्झना बस्नेत, प्रमिला सुबेदी र निर्देशक पदमा जेसी शुभद्रा बराल, रिना पौडेल, चन्द्रा राना भुजेल र सुजाता सापकोटा निर्बाचित भएका छन् । कार्यसमितिका अन्य पद नव निर्बाचित अध्यक्षबाट मनोनित हने छन् ।

गण्डकी प्रदेश सामाजिक बिकास मन्त्री नरदेबी पुनले नेपाली समाजमा महिलालाई हर्ने दृष्टीकोणमा अझै पनि सकारात्मक परिवर्तनको आवश्यकता रहेको बताइन् । नेपाल जेसिजको तर्फबाट क्षेत्र ख निरुपित कार्यकारीणी उपाध्यक्ष जेसी रमेश चन्द भुषाल, कोषाध्यक्ष जेसी सुजन श्रेष्ठ, एरिया बि तालिम आयुक्त जेसी सिब सुबेदी , बोर्ड सल्लाहकार जेसी सन्तु पौडेलकाा साथै पोखरा उद्योग बाणिज्य संघका महा सचिव चिनु गुरुङ, पोखरा लेडी जेसिजका पूर्व अध्यक्ष लगायतको उपस्थिति रहेको थियो ।