पोखरा, १२ भदौ । पोखरा–११ स्थित फूलबारी क्लबको आयोजना र स्थानीय आमा समूहको सह–आयोजनामा हुन लागेको तेश्रो वडा स्तरीय तीज गीत प्रतियोगिता–२०७६ को तयारी अन्तिम चरणमा पुगेको छ ।

फूलबारी क्लबको अभियान नारीहरुको सम्मान, कला र संस्कृतिको संरक्षण भन्ने नारा सहित आउदो भदौ १४ गते शनिवार शिबशक्ति स्कूल परिसरमा प्रतियोगिता हुन लागेको हो ।

तीज गीत प्रतियोगितामा रस्साकसी, महिलाहरुबीच म्युजिकल चियर, घैटो फुटाउने जस्ता मनोरञ्जनात्मक खेलहरु समेत समावेश गरिएको क्लबका अध्यक्ष हरिप्रसाद बास्तोलाले जानकारी दिए ।ओम डेभलपमेण्ट बैकको मुख्य प्रायोजनमा हुने प्रतियोगितामा प्रथम पुरस्कार भाष्कर मेमोरियल स्कुलले प्रायोजन गर्ने भएको छ ।

दामोदर आचार्य