पोखरा, १२ भदौ । पोखरा–१७ घारीपाटनस्थित शुभकामना आमा समूहको १७ औं वार्षिक साधारण सभा एवम् नवौ अधिवेशनले हिरा अधिकारीको अध्यक्षतामा १३ सदस्यीय नयाँ कार्य समिति निर्विरोध निर्वाचित गरेको छ ।

दुई बर्षे कार्यकालका लागि समूहको उपाध्यक्षमा कोपिला श्रेष्ठ, सचिवमा रन्जिता सुवेदी, सह-सचिवमा कृष्ण पराजुली, कोषाध्यक्षमा मीना द्धारे चयन भएका छन् । त्यस्तै सदस्यमा सृजना खनाल, मिठु द्धारे, राधा कार्की, प्रमिला शर्मा, विमला भुजेल, ममता पौडेल, देवि न्यौपाने, जमुना सोराली छन् ।

अधिवेशनको उद्घाटन समुहका पूर्वअध्यक्ष सुकुना गुरुङले गरेका थिए । उक्त अवसरमा संचारकर्मी हरि बाँस्तोला, समाजसेवी नारायण श्रेष्ठ लगायतको आफ्ना भनाई राखेका थिए ।

उक्त अवसरमा ७० वर्ष उमेर समूहका १२ जना आमाबुवा र एसइई परीक्षामा उत्तिर्ण सात जना विद्यार्थी सहित समाजसेवी बैकुण्डलाल जिसी र हिमालय बोर्डिङ स्कूलका पिन्सिपल डा. टेकनारायण पौडेललाई सम्मान गरिएको थियो ।

समूहका अध्यक्ष विचित्रा भुजेलको अध्यक्षतामा भएको कार्यक्रममा घारीपाटन टोल विकास संस्थाका अध्यक्ष देवेन्द्र क्षेत्री, समूहका पूर्वअध्यक्ष पार्वती खड्का लगायतले आमाहरु नेतृत्व विकाससँगै उत्पादनसँग जोडिनु पर्ने आवश्यक रहेको बताए ।

समूहका सचिव मिना के.सी.ले सञ्चालन गरेको उक्त कार्यक्रममा कोषाध्यक्ष मीना द्धारेले आर्थिक प्रतिवेदन प्रस्तुत गरेकी थिइन् ।