हेमजा, २९ साउन ।अन्नपूर्ण गाउँपालिकाको ढिकुरपोखरीमा यस वर्ष हुने तीजमेलाको तयारी तीव्र पारिएको छ ।

स्थानीय ढिकुरपोखरी युवा संजालको आयोजनामा यही भदौं १३ गतेदेखि १७ गतेसम्म माछापुच्छे« माविको खेलमैदानमा मेला हुने छ । मेला अन्र्तगत ११ ए साइड खुल्ला नकआउट फुटवल प्रतियोगिता, तीजगीत प्रतियोगिता, घैटो फुटाउने, रस्साकसी, छेलो हान्ने लगायतका प्रतियोगिता गरिने भएको छ ।त्यस्तै सांस्कृतिक कार्यक्रम, समाजसेवीलाई सम्मान तथा बाल उद्यान पनि रहेको संजालले जनाएको छ।

मेलाको तयारी अन्र्तगत यतिवेला सहयोग उठाउने कार्य तथा पत्राचारलाई तीव्रता दिइएको संयोजक विकास गुरुङले जानकारी दिए ।सहयोग अन्र्तगत अन्नपूर्ण १ निवासी श्रेष्ठ ब्रदर्शका संचालक तथा वडा सदस्य नवराज श्रेष्ठले फुटलवको प्रथम पुरस्कार.एक लाख २१ हजार एक सय २१ सहयोग गरेका छन् ।त्यस्तै सक्किल गुरुङ, सर्भिन पुन, मनकाजी हिराचन, टेकबहादुर परियार लगायतबाट पनि सहयोग प्राप्त भएको र अन्यबाट प्राप्त हुने क्रम जारी रहेको बताइएको छ ।

फुटबलतर्फ दोस्रो पुरस्कार रु.६६ हजार ६ सय ६६ तोकिएको छ ।मेला सम्पन्न गर्न विकास गुरुङको संयोजकत्वमा सचिवालय समिति पनि गठन गरिएको छ ।जसका सदस्यहरुमा संजाल अध्यक्ष सुशील भट्टचन, महासचिव दिलबहादुर जिसी, राजकुमार गुरुङ, युवराज गुरुङ, उद्ववराज सुवेदी, विष्णुहरि भुगाई, नवीन गुरुङ, सन्तोष गौचन, रामकुमार श्रेष्ठ र सरोज पौडेल छन्।

मेला अन्र्तगत फुटबलतर्फ १६ समूहको सहभागिता रहने र मेला सम्पन्न गर्न कूल १५ लाख खर्च लाग्ने अनुमान पनि गरिएको छ ।त्यस्तै अन्य प्रतियोगिताहरुको तयारी पनि अगाडि बढाइएको प्रचारप्रसार संयोजक श्रीभद्र पौडेलले जानकारी दिए।