पोखरा । बुद्व विशाल बजार व्यापारिक एसोसिएसनले आफ्ना सदस्यलाई एनआरएलमा विशेष छुट सुविधा मिलाएको छ ।

पोखरा न्युरोडमा रहेको एनआरएलमा हुने कुनै पनि किसिमको ल्याब चेकजाँचमा एसोसिएसनमा आवद्ध सदस्यलाई ३५ प्रतिशत छुट दिइने भएको हो ।
एसोसिएसन उपाध्यक्ष बुद्धिबहादुर कुँवर र एनआरएल पोखराकी मार्केटिङ म्यानेजर समीता आचार्यबीच सो सम्झौतापत्रमा हस्ताक्षर भएको हो ।

एसोसिएसन अध्यक्ष इन्द्रराज अर्यालले एनआरएलसँगको सहकार्यले विशाल बजारका व्यवसायी सदस्यलाई बाहिर गर्नुपर्ने महँगा जाँच र नियमित स्वास्थ्य परीक्षणमा सहज हुने बताए ।

एसोसिएसन उपाध्यक्ष कुँवरले यो सहकार्यले थोरै भए पनि राहत पुग्ने भएकोले एसोसिएसनले पहल गरेको बताए ।

एनआरएलकी मार्केटिङ म्यानेजर आचार्यले यो सम्झौताबाट कुनै पनि ल्याब सम्बन्धी चेकजाँचमा ३५ प्रतिशत छुट पाउने बताइन् । एसोसिएसनमा हाल १ सय ८० सदस्य आवद्ध छन् ।