पोखरा । पोखरा । १७ औं गणतन्त्र दिवस अवसरमा सृजना विकास केन्द्र पोखराको आयोजनामा रक्तदान कार्यक्रम भएको छ । कार्यक्रममा ३२ जना रक्तदाताले रक्तदान गरे ।

नेपाल रेडक्रस सोसाइटी कास्कीका सभापति दण्डराज शर्माले कास्की जिल्ला रेडक्रसको नेतृत्वमा सञ्चालित रक्तसञ्चार केन्द्रबारेमा प्रकाश पर्दै रेडक्रसले सञ्चालन गर्न लागेको आधुनिक एवं समयसापेक्ष रक्त सञ्चार गृहको आवश्यकता र औचित्य माथि प्रकाश पारे । उनले गण्डकीमा अन्तर्राष्ट्रिय स्तरको रक्त सञ्चारगृह सञ्चालनको आवश्यकतामाथि प्रकाश पारे ।

केन्द्रका पूर्व अध्यक्ष एवं सल्लाहकार हरिप्रसाद बरालले सृजना विकास केन्द्रको गतिविधिको बारेमा प्रकाश पारे ।

रक्त सञ्चार केन्द्र पोखराका प्रमुख अर्जुन ज्ञवालीले रक्तादाताको बारे विश्वव्यापी मान्यताको बारेका बताए ।

केन्द्रका अध्यक्ष विष्णुप्रसाद बरालले रक्त सञ्चार केन्द्रलाई आधुनिक प्रविधियुक्त बनाएर मानवीय सेवालाई निरन्तरता दिन प्रदेश सरकार र स्थानीय सरकारले सहयोग पु¥याउन आवश्यक औल्याए ।

संस्थाका उपाध्यक्ष शान्ति शर्माले स्वागत गर्दै संस्थाले स्थापनाकालदेखि गर्दै आएको गतिविधिको बारेमा जानकारी गराइन् । कार्यक्रमका संयोजक बालकृष्ण बरालले रक्तदातालाई धन्यवाद ज्ञापन गरे । सञ्चालन महासचिव चन्द्र गिरीले गरे ।