पोखरा । युथ थिङ्कर्स सोसाइटी पोखराले गण्डकी प्रदेश स्तरिय संयुक्त राष्ट्रसंघको नमुना महासभा गरेको छ । विश्व पारिस्थितिकी तंत्र र जैविक विविधतामा विश्वव्यापी वन डढेलोको बढ्दो खतरालाई सम्बोधन र विकासशील राष्ट्रहरूमा वित्तीय समावेशीकरणको लागि फिनटेक र डिजिटल वित्त प्रवद्र्धन सम्बन्धमा बहस भएको छ ।
गण्डकी प्रदेशको विभिन्न ११ जिल्लाबाट आएका युवा प्रतिनिधि बहसमा सहभागी भएका थिए । युथ थिङ्कर्स सोसाइटी पोखराले राष्ट्रसंघको नमुना महासभा आयोजना गरेर बहस गराएको थियो जसमा सहभागी प्रतिनिधिले विभिन्न देशको प्रतिनिधित्वको अभ्यास गरेका थिए ।
महासभामा डेलिगेटहरु आफ्नो देशका समस्यामा केन्द्रित भएका थिए । शुक्रबार जेष्ठ ११ बाट सुरु भएको नमुना महासभा जेठ १३ गतेसम्म चलेको थियो ।
महासभामा सबै सहभागी गरी ५० जना युवा सहभागीहरु थिए । उद्घाटन समारोहमा प्रमुख अतिथि गण्डकी प्रदेशका मुख्यमन्त्री खगराज अधिकारी र विशिष्ट अतिथि गण्डकी प्रदेश सामाजिक विकास तथा स्वास्थ्य मन्त्री सीताकुमारी सुन्दास थिए ।
नमुना महासभामा विश्वव्यापी समस्याहरूको सम्भावित समाधानका उपाय पनि प्रस्तुत भएको थियो । विशेष विशेषज्ञ विषय सत्रमा विश्व पारिस्थितिकी तंत्र र जैविक विविधतामा विश्वव्यापी वनडढेलोको बढ्दो खतरालाई सम्बोधन गर्न गण्डकी प्रदेश वन मन्त्रालयका उप-सचिव मेघराज पौडल थिए भने विकासशील राष्ट्रहरूमा वित्तीय समावेशीकरणको लागि फिनटेक र डिजिटल वित्त प्रवद्र्धन सम्बन्धमा पोखरा विश्व विद्यालयका सहायक प्राध्यापक उज्वल अधिकारी थिए । उक्त आभ्यसमा विषय वस्तुमा केन्द्रित भएर भोटिङ गर्दा नीतिगत, कुटनीति, अन्तराष्ट्रिय सम्बन्धलाई मध्यनजर गर्नुपर्ने उल्लेख थियो ।
युथ थिङ्कर्स सोसाइटी पोखराका अध्यक्ष दिपा अधिकारीले डेलिगेटहरुलाई सौहाद्र्रपूर्ण वातावरणमा कार्यक्रममा सहभागी हुन अनुरोध गरिन् । अधिकारीको नेतृत्वमा गण्डकी प्रदेश स्तरिय संयुक्त राष्ट्रसंघको नमुना महासभा सु-सम्पन्न भएको हो । उनले नमुना सभा एउटा सिकाइ भएकाले यसको भरपुर प्रयोग गर्न अनुरोधसमेत गरिन् । समापन समारोहमा प्रमुख अतिथि गण्डकी प्रदेश नीति तथा योजना आयोगका मा. उपाध्यक्ष डा. श्रीकान्त शर्मा खतिवडा थिए । उनले युवाहरुलाई प्रोत्साहन गर्न यस खाले कार्यक्रमको भूमिका हुने बताए ।
Related News
सम्बन्धित समाचार
अनुपम म्युजिकद्वारा १० हजारभन्दा बढीलाई तालिम
शिशु कल्याण र डेभिडफल क्लबद्वारा वातावरण सचेतना कार्यक्रम
प्रहरी प्रवक्तामा डिआइजी कार्की
रिमाल समाज गण्डकीमा गोकुल
अन्नपूर्णको नीति कार्यक्रमका लागि सुझाव
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१