पोखरा । गण्डकीका मुख्यमन्त्री खगराज अधिकारी र नेपालका लागि युरोपियन युनियनकी राजदूत भेरोनिक लोरेन्जोसँग आइतबार शिष्टाचार भेट भएको छ ।

मुख्यमन्त्री कार्यालयमा भएको भेटमा राजदूत भेरोनिकले इयु नेपाल व्यापार तथा लगानी कार्यक्रम, जलवायु परिवर्तनले पारेको असर एवं पोखरा क्षेत्रीय अन्तर्राष्ट्रिय विमानस्थलका बारेमा चासो व्यक्त गरेकी छन् ।

भेटका क्रममा राजदूत लोरेन्जोले गरेको प्रतिवद्धता र देखाएको चासोप्रति मुख्यमन्त्री अधिकारीले अभार व्यक्त गरेका छन् ।

युरोपियन युनियन र नेपालले यो वर्ष ‘सँगसँगै बलियो हुँदै’ भन्ने नाराका साथ कुटनीतिक सम्बन्धको ५० औं वर्षगाँठ मनाइरहेको छ ।

भेटमा प्रमुख सचिव लक्ष्मीकुमारी बस्नेत, सचिवालयका सदस्य, इयुका प्रतिनिधि सहभागी थिए ।