पूर्व कर्मचारीमा गोलाप्रथाबाट अध्यक्ष चयन

आदर्श समाज सम्वाददाता
चैत्र ३०, २०८०
purba karmachari

पोखरा । पूर्व कर्मचारी सेवा परिषद कास्कीको अध्यक्षमा गिरधारि सुवेदी निर्वाचित भएका छन् । २८ चैतमा पोखरामा भएको १९ आंै साधारण सभा तथा दशौं अधिवेशनलेसुवेदीको अध्यक्षतामा ११ सदस्यीय कार्य समिति निर्वाचित गरेको हो ।

उपाध्यक्षमा सूर्यप्रसाद बराल, सचिवमा राजुराज अधिकारी, कोषाध्यक्षमा प्रभामिलन तिमिल्सिना तथा सदस्यहरुमा नगेन्द्रराज पौडेल, धर्मदत्त बराल, बिलकुमारी कुमाल, लक्ष्मीपति पोखरेल, प्रेमप्रसाद ढकाल, मीनराज बराल र शान्ताकुमारी पौडेललाई निर्वाचित भए । परिषदका अध्यक्ष नरहरि बरालको अध्यक्षतामा सम्पन्न उक्त अधिवेशनले आगामी २ वर्षका लागि नयाँ कार्यसमिति चयन गरेको हो ।

नयाँ कार्य समिति निर्वाचनका लागि पूर्व न्यायाशीष एवं संस्थाका आजीवन सदस्य वासुदेव न्यौपानेको अध्यक्षतामा विष्णुुप्रसाद भण्डारी र वसन्तकेशव भण्डारी सम्मिलित ३ सदस्यीय निर्वाचन मण्डल गठन गरिएको थियो । सबै पदमा निर्विरोध भए पनि अध्यक्ष पदका लागि गिरधारि सुवेदी, सूर्यप्रसाद भण्डारी र अनन्तराज लम्साल प्रतिस्पर्धी थिए । निर्वाचन मण्डलको आग्रहबमोजिम गोलाप्रथाद्वारा अध्यक्ष चयन गर्ने निर्णय हुँदा सुवेदी उक्त पदका लागि गोलाद्वारा छनौट भएका हुन् ।

प्रमुख अतिथि गण्डकी प्रदेश मुख्यमन्त्री कार्यालयका सचिव तीर्थ भट्टराईले अधिवेशनको उद्घाटन गरेका थिए । संस्थाका पूर्व अध्यक्ष पिताम्बर बराल र कृष्णप्रसाद बरालले शुभकामना मन्तव्य राखेको उद्घाटन सत्रको सञ्चालन सचिव सूर्यप्रसाद बरालले र स्वागत मन्तव्य संस्थाका उपाध्यक्ष अनन्तराज लम्सालले गरेका थिए । समारोहमा विद्यावारिधि गरेका संस्थाका आजीवन सदस्य विष्णुहरि तिमिल्सेनालगायत ज्येष्ठ सदस्य, भवन निर्माणमा आर्थिक सहयोग गर्ने सदस्य तथा आजीवन सदस्यलाई सम्मान गरिनुका साथै प्रमाणपत्र प्रदान गरिएको थियो । समारोहमा आजीवन सदस्य दुर्गा केसी र केशव ढकाललाई कृष्णचन्द्र पुरस्कार प्रदान गरिएको थियो ।

प्रशासनिक क्षेत्रका दक्ष एवं अनुभवी सुवेदी प्रमुख जिल्ला अधिकारीको रुपमा समेत काम गरिसकेका छन् । उक्त संस्थाको सदस्य लगायत विभिन्न पदमा यस अघि काम गरिसकेका उनी सबै सदस्यबीच लोकप्रिय पनि छन् । उनको कार्यकालमा संस्थाको श्रीवृद्दिमा थप योगदान रहने अपेक्षा आम सदस्यहरुले गरेका छन् ।

Related News

सम्बन्धित समाचार

  • विपद् व्यवस्थापनबारे अभिमुखीकरण

    आदर्श समाज सम्वाददाता जेठ ६, २०८१
    पोखरा । नेपाल रेडक्रस सोसाइटी पोखरा १० उपशाखाको आयोजनामा विपद् व्यवस्थापनसम्बन्धी अभिमुखीकरण गरिएको छ । अभिमुखीकरणमा वडाका टोल विकास संस्था,…
  • राम्जा पोखरा समाजमा धनेश्वरी

    आदर्श समाज सम्वाददाता जेठ ६, २०८१
    पोखरा । राम्जा पोखरा सम्पर्क समाजको अध्यक्षमा धनेश्वरी पराजुली निर्वाचित भएकी छन् । शनिबार पोखरामा भएको नवौं साधारण सभा तथा…
  • लक्ष्मीनारायण टोल विकासको सभा

    आदर्श समाज सम्वाददाता जेठ ५, २०८१
    पोखरा । लक्ष्मीनारायण टोल विकास संस्था, पोखरा १३ आर्वाको साधारण सभा शनिबार सम्पन्न भएको छ । पोखरा १३ का अध्यक्ष…
  • दानबहादुरसहित  ४ एसएसपीलाई डिआइजीमा बढुवा सिफारिस   

    आदर्श समाज सम्वाददाता जेठ ५, २०८१
    काठमाडौं । नेपाल प्रहरीका ४ प्रहरी वरिष्ठ उपरीक्षक (एसएसपी)लाई प्रहरी नायब महानिरीक्षक (डिआइजी)मा बढुवाका लागि सिफारिस गरिएको छ । गृह…
  • प्रतिभामा बोल्ने कलासम्बन्धी तालिम

    आदर्श समाज सम्वाददाता जेठ ४, २०८१
    पोखरा । पोखराको नदीपुरस्थित प्रतिभा माध्यमिक विद्यालयले अतिरिक्त क्रियाकलापअन्तर्गत विद्यार्थीहरूका लागि तालिम सम्पन्न गरेको छ । तालिममा कक्षा ४ देखि…

hero news full width