लेखनाथ ।  लेखनाथ खानेपानी उपभोक्ता संस्था पोखरा–३० को नयाँ वर्ष अवसरमा शुभकामना आदानप्रदान तथा भित्तेपात्रो विमोचन कार्यक्रम गरेको छ ।

गण्डकी प्रदेशका मुख्यमन्त्री खगराज अधिकारीले भित्तेपात्रो विमोचन गर्दै लेखनाथ क्षेत्रमा दिनप्रतिदिन बढ्दै गएको जनसंख्या र बढ्दो सहरीकरणले सो क्षेत्रमा विद्यमान गुणस्तरीय एवं शुद्ध खानेपानीको सेवासुविधा व्यवस्थित एवं सुदृढ गरी थप सेवा दिन आग्रह गर्दै उपलब्ध प्राकृतिक स्रोतसाधनको उच्चतम सदुपयोग गर्नुपर्नेमा जोड दिए ।

संस्थाका अध्यक्ष मुरारी शर्माले लेखनाथ क्षेत्रमा बाटोको विकास निर्माण सँगै संस्थाले क्षति व्यहोर्नुपरेको कुरामा जोड दिँदै पानीको समथर भूभागमा मात्र पानी उपलब्ध भएकोमा पहाडी क्षेत्रमा पनि पानीको पहुँच पु¥याउन चुनौतीरुपमा रहेको बताए ।

संस्थाका उपाध्यक्ष पुष्पकमल ढुंगानाले धन्यवाद ज्ञापन गरेको कार्यक्रममा सचिव नारायणी भट्टराई (रक्षा) ले सञ्चालन गरिन् ।