पोखरा । शुभकामना महिला विकास केन्द्र पोखरा ४ ले बिहीबार पोखरामा गरेको खुला रक्तदानमा ३१ युनिट रगत संकलन भएको छ । पोखरा फोटोग्राफर संघका संरक्षक तथा शुुभकामना महिला विकास केन्द्रका सल्लाहकार गणेश छबिले पहिलो रक्तदाता मनिष श्रेष्ठलाई ब्लड ब्याग हस्तातरण गरेर कार्यक्रम उद्घाटन गरे । कार्यक्रममा छबिले केन्द्रले विगत १९ वर्षदेखि लगातार मानवका चाहिने पुण्य दान रक्तदान गरी समाजमा परिपक्क संस्थाको उहाहरणीय बनेको बताए ।

सुन्दरमार्ग टोल विकास संस्थाका अध्यक्ष सुरेन्द्रबहादुर श्रेष्ठले महिला संस्था भए पनि निकै जागरुक भएको बताए । संस्थाका संस्थापक अध्यक्ष तीर्थ श्रेष्ठले पिछडिएको महिला समाज उत्थानको लागि यो संस्था समर्पित रहेको बताइन् । सिद्धार्थ टोल बिकास संस्थाका अध्यक्ष सीमा कोइरालाले वडा नम्बर ४ रहेको यो संस्थाको कार्यक्रम सधै गहकिलो राम्रो हुने बताइन् ।

रक्त सञ्चार केन्द्रका प्रविधिक महेन्द्र केसीले स्वस्थ १८ वर्ष देखि ६५ वर्ष सम्मका मानिसले रक्तदान गर्न सकिने बताए । सम्झौता नारी जागृति समूहका अध्यक्ष जानुका गौतम रक्तदान कार्यक्रमले धेरै जना मानिसलाई सेवा पुग्ने बताइन् । उक्त अवसरमा बगालेटोल मिसा पुचका सचिव सत्य श्रेष्ठ, निर्देशक भवानी माकाजू कार्यक्रम संयोजक पुष्पा श्रेष्ठले बोलेका थिए । ज्ञानु श्रेष्ठको सभापतित्वमा भएको कार्यक्रम सञ्चालन सचिव सावित्री श्रेष्ठ र स्वागत लक्ष्मी गुरुङले गरेका थिए ।