पोखरा । बुद्व विशाल बजार व्यापारिक एसोसिएसनले रक्तदान कार्यक्रम गरेको छ । कार्यक्रममा ६४ युनिट रगत संकलन भयो ।

गण्डकी प्रदेशसभा सदस्य सरस्वती गुरूङले पहिलो रक्तदाता एसोसिएसनका सल्लाहकार माधव सिग्देललाई ब्लड ब्याग हस्तान्तरण गरी कार्यक्रम उद्घाटन गरेकी थिइन् । उनले सबैभन्दा ठूलो दान रक्तदान भएको भन्दै कार्यक्रम आयोजना गरेकोमा एसोसिएसनलाई धन्यवाद दिइन ।

एसोसिएसनका निर्वतमान अध्यक्ष तथा मानार्थ सदस्य केशवबहादुर खत्रीले एसोसिएसनले यो वर्ष रजत महोत्सवको अवसर पारेर विभिन्न कार्यक्रमहरू गरिरहेको जनाए । उनले सामाजिक उत्तरदायित्व अन्तर्गत १० औं पटक यो रक्तदान कार्यक्रम आयोजना गरिएको बताए ।

कार्यक्रममा संस्थाका सल्लाहकार माधव सिग्देल, कस्मेटिक व्यवसायी संघकी अध्यक्ष दुर्गा बराल फेन्सी तथा रेडिमेड व्यवसायी संघका अध्यक्ष एकनारायण पनेरू लगायतले बोलेका थिए ।

संस्थाका अध्यक्ष इन्द्रराज अर्यालको अध्यक्षतामा भएको कार्यक्रममा उपाध्यक्ष बुद्विबहादुर कुँवरले स्वागत तथा सचिव तथा कार्यक्रम संयोजक थमनसिह गुरूङले सञ्चालन गरेका थिए । कार्यक्रममा रक्त सञ्चार केन्द्र पोखराका वरिष्ठ प्राविधिक महेन्द्र केसी नेतृत्वको टोलीले ससयोग गरेको थियो ।