पोखरा । नेपाली कांग्रेसका नेता एवं पोखरा महानगरपालिका– २७ का वडाध्यक्ष पूर्णकुमार गुरुङलाई पितृशोक परेको छ ।

उनका पिता अम्बरबहादुर गुरुङको बुधबार साँझपख पोखरा २७ स्थित निवासमै निधन भएको हो ।

अम्बरबहादुर ९६ वर्षका थिए । उनको अन्त्येष्टि बिहीबार बिहान ११ बजे शवयात्रासहित रिठेपानी घाटमा गरिने परिवारका सदस्यले जनाएका छन् ।

नेपाली कांग्रेस पोखरा महानगर सचिव टुबराज बास्तोलाले गुरुङको निधनप्रति दुख व्यक्त गर्दै देहमुक्त आत्माको चिरशान्तिको कामना गर्दै भावपूर्ण श्रद्धाञ्जली अर्पण गरेका छन् ।

साथै शोकाकुल परिवारजनमा उनले समवेदना व्यक्त गरेका छन् ।