पोखरा । कास्कीको मादी गाउँपालिका ६ चिप्लीस्थित सिद्ध युवा क्लबको आयोजनामा महाशिवरात्रि मेला हुने भएको छ ।

२०४४ सालमा स्थापित क्लबले गर्दै आएको मेलालाई यसपालि थप व्यवस्थित बनाउने गरी तयारी थालिएको क्लबले जनाएको छ । क्लबको ३६ औं वार्षिकोत्सवका अवसर पारेर फागुन २४ देखि २६ गतेसम्म मेला हुनेछ ।

क्लबले बर्सेनि गर्दै आएका खेलहरुले यसपालि पनि निरन्तरता पाउने छन् । भलिबल, छेलो, डोरी तान्ने, महिलाका लागि घैंटो फुटाइ खेल पनि खेल संयोजक सुरज विकले बताए ।
क्लबले खेलमैदानमा निर्माण गरेको मञ्च पनि मेलाकै अवसरमा उद्घाटन गरिने भएको छ । मञ्चको उद्घाटन मादी गाउँपालिका अध्यक्ष देवीजंग गुरुङले गर्ने तय भएको क्लब अध्यक्ष नारायण गुरुङले जानकारी दिए ।