लैंगिक हिंसाविरुद्ध सराङकोटवासी प्रतिबद्ध

आदर्श समाज सम्वाददाता
फागुन १०, २०८०
himsa
पोखरा । लैंगिक हिंसा नगर्ने पोखरा–१८, सराङकोटवासीले प्रतिबद्धता जनाएका छन् । वडाको आयोजना तथा महानगर सामाजिक विकास महाशाखाको आर्थिक सहयोगमा बुधवार तथा बिहीवार भएको लैंगिक हिंसाविरुद्ध पुरुष महिलाको ऐक्यबद्धता कार्यक्रमका बीच वडावासीले त्यस्तो प्रतिबद्धता जनाएका हुन् ।
सहभागीले लैंगिकतामा आधारमा हुने सबैखाले भेदभावको अन्त्य गर्नुपर्ने भन्दै त्यसमा आफूहरु प्रतिबद्ध रहेको सुनाए । महिलाका अधिकार मानव अधिकार हुनु भन्ने चेतना सबैमा आउनु पर्दछ, नर नारी समाजरुपी रथमा २ पांग्रा भएको सराङकोट टप टोलका हरिश्चन्द्र चपाईंको भनाई छ ।
वडावासीले लैंगिक हिंसा जीवनसाथी, परिवारका सदस्य, छिमेकी तथा आत्मिय व्यक्तिहरुबाटै अधिक हुने गरेको औँल्याउँदै सबैले आ–आफ्नो घरबाट हिंसा रोक्न पहल गर्नुपर्ने जनाए ।
वडाध्यक्ष शिवप्रसाद तिमिल्सिनाले कानुनको व्यावहारिक कार्यान्वयमा जोड दिए ।उनले महिला पुरुषको शिक्षामा समान पहुँच, सम्पति माथिको समान स्वामित्व स्थापित गर्नुपर्ने भन्दै जनचेनता जगाउने खालमा अभिभुखीकरण कार्यक्रम सञ्चालनमा वडा सधै सकारात्मक रहेको सुनाए ।
वडा सदस्य कल्पना ढकाल क्षत्रीले खानदान, परिवार, बुवा, आमा र दाजुभाईको इज्यत बचाउन भन्दै कतिपय महिला दिदीबहिनीले पीडायुक्त जीवन जीउनुपर्ने गरेको अनुभव राख्दै अवका महिला दिदीबहिनीले अन्याय सहन नसक्ने जनाइन् ।उनले खुलेर हिंसाविरुद्ध मुकाविला गर्न आग्रह समेत गरिन् ।
वडा सदस्य मीनाकुमारी नेपालीले छोराछोरीलाई समान व्यवहार गर्ने परम्परा बसाल्न अभिभावकलाई सुझाव दिँदै पुरुष र महिला बीच समानता भए परिवार सशक्त बन्ने धारणा राखिन् ।
त्यस अवसरमा महिला विकास अधिकृत विष्णुमाया पौडेल, पत्रकारद्वय दीपेन्द्र श्रेष्ठ र श्रीभद्र पौडेलले सहजीकरण गरे । उनीहरुले लिंग र लैंगिकता बीचको फरक केलाउँदै विभेदकारी भूमिकामा परिवर्तन ल्यानुपर्ने स्पष्ट पारे । सार्वजनिक संघसंस्थामा महिला नेतृत्व बढाउनुपर्ने भन्दै सहजकर्ताहरुले लैंगिक हिंसा बिरुद्ध शून्य सहनशीलता कार्यान्वयन गर्नुपर्ने धारणा राखे ।
कार्यक्रममा पोखरा १८ स्थित टोल विकास संस्था, आमा तथा महिला समूहका प्रतिनिधि एवम् स्थानीयवासीको सहभागिता रहयो ।
वडा सदस्य क्षत्रीको अध्यक्षतामा भएको उक्त कार्यक्रम वडा सचिव मीना बराल पौडेलले सञ्चालन गरिन् ।

Related News

सम्बन्धित समाचार

  • किशोरीका लागि सीपमूलक शिक्षा

    आदर्श समाज सम्वाददाता चैत्र ३०, २०८०
    पोखरा । पोखरा २९ भण्डारढिकमा रहेको दीपशिखा सामुदायिक पुस्तकालय तथा दीपशिखा बहुउद्देश्यीय सामुदायिक सिकाइ केन्द्रको आयोजनामा किशोरीहरूका लागि २ दिने…
  • हजुरआमा बनेपछि एसइई दिँदै कांग्रेस नेत्री भुसाल   

    आदर्श समाज सम्वाददाता चैत्र १९, २०८०
    पर्वत ।  पढ्नका लागि उमेरले छेक्दो रहेनछ भन्ने उदाहरण पर्वतकी एक महिला नेतृले देखाउनुभएको छ । दक्षिणी पर्वतको बिहादी गाउँपालिका–४…
  • छोरीलाई स्वावलम्बी बनाउन बागलुङ ‘नगरकी छोरी’ कार्यक्रम   

    आदर्श समाज सम्वाददाता चैत्र १८, २०८०
    बलेवा (बागलुङ) ।  छोरीहरूको संरक्षण, छोरीलाई गरिने विभेदको अन्त्य, बालविवाहको उन्मूलनसहित छोरीलाई शिक्षित र स्वावलम्बी बनाउने उद्देश्यले बागलुङ नगरपालिकाले ‘नगरकी…
  • नौमती बाजा बजाउन तालिम लिँदै बागलुङका आमाहरू   

    आदर्श समाज सम्वाददाता चैत्र १३, २०८०
    गलकोट (बागलुङ) । बागलुङका आमाहरूले नौमती बाजा बजाउन तालिम लिइरहेका छन् । यहाँका १२ जना महिलाले नौमती बाजा बजाउन एकमहिने…
  • जनजागृति आमा समूहमा शान्ति

    आदर्श समाज सम्वाददाता चैत्र ११, २०८०
    पोखरा । जनजागृति आमा समूह, पोखरा १९ पुरूञ्चौरको २७ औं वार्षिकोत्सव तथा तेस्रो अधिवेशन सम्पन्न भएको छ । शनिबार सम्पन्न…

hero news full width