पोखरा । मेडिप्लस हस्पिटल एन्ड ट्रमा सेन्टर प्रालिको अध्यक्षमा डा. आनन्द भट्टराई चयन भएका छन् ।

शनिबार पोखरामा भएको संस्थाको पाँचौं साधारण सभा तथा प्रथम अधिवेशनबाट डा. भट्टराई अध्यक्षतामा ६ सदस्यीय समिति चयन गरेको हो ।

प्रालिको सञ्चालक सदस्यमा संस्थापक अध्यक्ष रमेशकुमार थापा, रामजीप्रसाद बास्तोला, डा. निरज रञ्जीत, डा. सरोज पोखरेल र विक्रम पराजुली चयन भए ।

अधिवक्ता रमेश गिरी संयोजक रहेको मण्डलले निर्वाचन कार्यक्रम गराएको थियो ।

कार्यक्रमको उद्घाटन संस्थापक अध्यक्ष रमेशकुमार थापाले गरेको हस्पिटलका प्रशासन अधिकृत रञ्जना आले रञ्जुले जानकारी दिइन् ।

पोखरा ११ रानीपौवामा स्थापित हस्पिटले पोखरामा अत्याधुनिक विशेषज्ञ सेवा प्रदान गर्दै आएको छ ।