पोखरा । महिला स्वास्थ्य स्वयंसेविका सञ्जालको आयोजनामा बुधबार पोखरामा रमाइलो कार्यक्रम भएको छ ।

सञ्जालका संरक्षक एवं पोखरा महानगरपालिकाका प्रमुख धनराज आचार्यले कार्यक्रम उद्घाटन गर्दै सञ्जालको सकारात्मक गतिविधिको शुभकामना दिए ।

सञ्जाल अध्यक्ष भीमा पौडेलको अध्यक्षतामा भएको कार्यक्रममा पोखरा २ का वडाध्यक्ष दिवसमान प्रधानांग, पोखरा ९ का वडाध्यक्ष दीपेन्द्र मर्सानी, कास्की जिल्ला जनस्वास्थ्य प्रमुख राम नेपाली लगायत बोलेका थिए ।

स्वयंसेविकातर्फबाट गायत्री भूर्तेल, वडा ५ इन्चार्ज शान्ति पौडेल, वडा २ का दीपेन्द्र रेग्मी, स्वास्थ्य महाशाखाबाट तेजाखर लम्साल लगायतले स्वास्थ्य क्षेत्रसहित विभिन्न विषयबारे बोलेका थिए ।

पोखरा महानगरका जनप्रतिनिधिको घोषणापत्रमा उल्लेख भएबमोजिम स्वास्थ्यमा आधारित प्रतिबद्धतालाई महिला स्वयंसेविकाले घरघरमा गई सरसफाइ तथा स्वास्थ्यको अभियानमा सहकार्य गर्दै जाने सञ्जालले जनाएको छ ।