पोखरा । पोखरा ११ का महिलाका लागि सिलाइकटाइ तालिम शुक्रबार सम्पन्न भएको छ । पोखरा महानगरपालिका वडा नम्बर ११ को कार्यालले १ महिनादेखि सञ्चालन गरेको तालिममा २२ जना सहभागी थिए । महिला सशक्तीकरण तथा आत्मनिर्भरताका लागि १ महिने विशेष तालिम गरिएको हो ।

वडा सदस्य टुकुरादेवी परियारको अध्यक्षता भएको कार्यक्रममा गण्डकी प्रदेश सभा सदस्य सरस्वती गुरुङले प्रमाणपत्र प्रदान गरिन् । सांसद गुरुङले समाज परिवर्तनका लागि महिला सशक्तीकरण जरुरी रहेको बताइन् ।

तालिम पञ्चकन्या टेनिङ इन्स्टिच्युटको हलमा सञ्चालन भएको थियो । उदघाटन कार्यक्रम पिपलडाली आमा समूहको सदस्य शान्ति कुमारीले सञ्चालन गरेकी थिइन् । समापन कार्यक्रम सिद्देश्वर महिला समूहका सचिव जमुना बास्तोलाले सञ्चालन गरेकी थिइन् ।

सहभागीलाई सुकबहादुर परियारले सहजीकरण गरेका थिए । कार्यक्रममा सीता थापाले वडा कार्य समितिलाई धन्यवाद ज्ञापन गरिन् । उक्त अवसरमा समाजसेवी शारदादेवी बास्तोला, वडा जनप्रतिनिधि १३ का महिला सदस्य सुचित तामाङ, वडा सदस्य सुशील बास्तोला, विशिष्ट अतिथि वडाध्यक्ष प्रेमप्रसाद कर्माचार्य लगायतले शुभकामना व्यक्त गरे ।