४ विद्यालयका ८३ विद्यार्थीलाई ट्रयाकसुट

आदर्श समाज सम्वाददाता
पौष २६, २०८०
Trackshot bhawanis

स्याङ्जा । पुतलीबजार नगरपालिका — ११ स्थित सामुदायिक विद्यालयमा अध्ययरत ८३ जना बालबालिकालाई ट्रयाकसुट उपलब्ध गराइएकोे छ । सामुदायिक विद्यालय विकास कार्यक्रम अन्तर्गत वडाभित्रका ४ वटा विद्यालयमा अध्ययरत सबै बालबालिकालाई नगरप्रमुख तुलसीराम रेग्मीले ती कपडा प्रदान गरेका हुन् ।

न्यानो कपडा (ट्रयाकसुट) प्रदान गर्दै नगरप्रमुख रेग्मीले सामुदायिक विद्यालयतर्फ बालबालिकाको अध्ययरत दर बढाउनका गुणस्तरीय शिक्षासहित यस्ता लाभकारी थप स्किम ल्याउन नगरपालिकाले सहयोग गर्ने बताए ।

प्रमुख रेग्मी भन्छन्, ‘विद्यार्थी घट्नुमा विभिन्न कारण भए पनि, जति छन् उनीहरुलाई टिकाउनु र गुणस्तरी शिक्षा दिनु हामी सबैको जिम्मेवारी हो ।’

वडाभित्रका सबै विद्यार्थीलाई ट्रयाकसुट वितरण गरिएको र आउँदा दिनमा पनि न्यानो कपडा दिइने प्रमुख प्रशासकीय अधिकृत हरिराम नागिलाको भनाइ छ । नगरप्रमुख रेग्मीले एकैदिन विश्व शान्ति आवासीय मावि, दिव्यज्ञान आवासीय माविमा, महेन्द्र देववाणी आवासीय मावि र विद्यादेय आवासीय माविमा अध्ययनरत ८३ जना विद्यार्थीलाई कपडा वितरण गरेको वडा अध्यक्ष मनोज पौडेलले जानकारी दिए ।

वितरण कार्यक्रममा कार्यपालिका सदस्य संजिता अर्याल, वडा सदस्यहरु विष्णुबहादुर पराजुली, अशोक रेग्मी, सुुनिता नेपालीले शैक्षिक गुणस्तर बृद्धिका लागि यसअघि पनि वडा कार्यालयले शैक्षिक सामग्री उपलब्ध गराएको बताए।

Related News

सम्बन्धित समाचार

  • मादीको चिप्लीमा शिवरात्रि मेला तयारी

    आदर्श समाज सम्वाददाता फागुन १५, २०८०
    पोखरा । कास्कीको मादी गाउँपालिका ६ चिप्लीस्थित सिद्ध युवा क्लबको आयोजनामा महाशिवरात्रि मेला हुने भएको छ । २०४४ सालमा स्थापित…
  • मगर दिवसमा वालिङ, कालिगण्डकी र हरिनासमा भोलि बिदा

    आदर्श समाज सम्वाददाता फागुन १४, २०८०
    पोखरा । मगर दिवसका अवसरमा स्याङ्जाका ३ पालिकाले सार्वजनिक बिदा दिएका छन् । मगर दिवसको अवसरमा फागुन १५ गते मंगलबार…
  • लेखनाथ खानेपानीको १९ औं सभा

    आदर्श समाज सम्वाददाता फागुन १३, २०८०
    लेखनाथ । लेखनाथ नगरपालिकाका पूर्व मेयर एवं लेखनाथ खानेपानी उपभोक्ता संस्थाका परिकल्पनाकार शालिकराम पौडेलले सिमसार क्षेत्रको जलाधारमा मूलको पुनर्भरण क्षेत्रमा…
  • पोखरामा गुञ्जिए १२ भाषाका रचना

    आदर्श समाज सम्वाददाता फागुन १३, २०८०
    पोखरा । अन्तर्राष्ट्रिय मातृभाषा दिवसको अवसरमा पोखरामा शनिबार एक कार्यक्रमका बीच १२ मातृभाषामा रचना गुञ्जिएका छन् । सिर्जनशील लोकतान्त्रिक प्रतिष्ठान…
  • सोह्र महिनामा काम सक्ने सम्झौता भएको पुल सात वर्षसम्म अलपत्र   

    आदर्श समाज सम्वाददाता फागुन ९, २०८०
    ढोरपाटन ।   सात वर्षअघि निर्माण थालिएको अस्तु–ओडारबोट मोटरेवल पुल हालसम्म सम्पन्न हुन सकेको छैन । खोलाको वरिपरि ठडिएका दुई पिल्लर…

hero news full width