पोखरामा मनाइयो मानवअधिकार दिवस

आदर्श समाज सम्वाददाता
मंसिर २४, २०८०
kaski human right dar news 2080-8-24 (2)

पोखरा । अन्तर्राष्ट्रिय मानव अधिकार दिवस १० डिसेम्बरका अवसरमा सबैका लागि मर्यादा, समानता र न्याय भन्ने मूल नाराका साथ कास्कीमा प्रभातफेरी गरी मनाइएको छ ।
गण्डकी प्रदेश सरकार, राष्ट्रिय मानव अधिकार आयोग, मानवअधिकार महाभेला गण्डकी प्रदेशको सयुक्त आयोजनामा उक्त कार्यक्रम भएको हो । पोखराको मानव अधिकार चोक चिप्लेढुंगाबाट सुरु भएको प्रभातफेरी तथा ¥याली सभागृह पुगेर सभामा परिणत भएको थियो ।

सभामा गण्डकी प्रदेश सरकारका प्रमुख सचिव लक्ष्मीकुमारी बस्नेतले गण्डकी प्रदेश सरकार मानव अधिकारको संरक्षण र प्रर्वद्धन गर्न प्रतिवद्ध रहेको बताइन् । मानव अधिकार रक्षा सरकारको एकल प्रयासबाट मात्र सम्भव नहुने हुँदा सामाजिक संघ संस्थाको सहयोग र समन्वय आवश्यक रहेको उनको भनाइ थियो । उनले अहिले पछिल्लो समय मुलुक भरिनै महिला र बालबालिकामाथि हुने हिंसाका घटनामा वृद्धि भइरहेको परिवेशमा यस्ता घटना कम गर्न पहल गर्ने बताइन् । उनले महिला विरुद्धको सबै खाले हिंसाका विरुद्धमा एकजुट भएर अगाडि बढ्न सबैलाई आग्रह गरिन् ।

राष्ट्रिय मानव अधिकार आयोग गण्डकी प्रदेशका निमित्त प्रमुख खिमलाल सुवेदीले राष्ट्रिय मानवअधिकार आयोगले समग्र मानवअधिकारको अवस्थाको अनुगमन गरिरहेको जानकारी गराउँदै मानवअधिकारको संरक्षणमा राज्यले सन्तोषजनका भूमिका निर्वाह गर्न नसकेको बताए । मानव अधिकार महाभेला गण्डकी प्रदेशका संयोजक बिना सिलवालले कार्यक्रमको उद्देश्यमाथि प्रकाश पार्दै मानवअधिकारको संरक्षणमा राज्य जिम्मेवार बन्नुपर्नेमा आम नागरिकले त्यस्तो अनुभूति गर्न नपाएको गुनासो व्यक्त गरिन् ।

कार्यक्रममा गैसस महासंघ गण्डकी प्रदेशका अध्यक्ष गोपाल खड्काले मानव अधिकारको विषय सबैको साझा विषय भएकाले मानवअधिकारको संरक्षणको लागि सामाजिक संघ संस्थाहरु सरकार सँग समन्वय र सहकार्यमा काम गर्न सधै तयार रहेको बताए । राष्ट्रिय अपांग महासंघ गण्डकीका अध्यक्ष खोमराज शर्माले अपांगता भएका क्षेत्रलाई राज्यले जति सम्बोधन गर्नुपर्ने हो सो अनुसार नगरेको गुनासो व्यक्त गरे ।

इन्सेक गण्डकी प्रदेशका संयोजक शिवप्रसाद खकुरेलले इन्सेकले गरेको अनुगमनले गण्डकी प्रदेशमा महिला र बालबालिकामाथि हुने हिंसाका घटना वृद्धि भएको जानकारी गराउँदै यस्ता घटना कम गर्न स्थानीय तहदेखि प्रदेश सरकारले समेत कार्यक्रम र बजेटमा वृद्धि गर्न अनुरोध गरे ।

प्रभातफेरीमा सरकारी कर्मचारी, सुरक्षा निकाय, मानव अधिकारको क्षेत्रमा क्रियाशील विभिन्न संघसंस्थाबाट सहभागिता थियो ।

Related News

सम्बन्धित समाचार

  • मासबार वरपर सरसफाइ

    आदर्श समाज सम्वाददाता फागुन १९, २०८०
    पोखरा । समाजसेवा युवा क्लबले शनिबार बिहान मासबार वरपर सरसफाइ गरेको छ । आउँदै गरेको महाशिवरात्रिका अवसरमा पोखरा ७ मासबारको…
  • बेँसीसहर–चामे सडक दुई दिन बन्द रहने   

    आदर्श समाज सम्वाददाता फागुन १९, २०८०
    लमजुङ ।  पहाडी जिल्ला र हिमालपारिको जिल्ला भनिर चिनिने मनाङ जिल्ला जोड्ने एकमात्र बेँसीसहर–चामे सडक आजदेखि दुई दिन बन्द हुने…
  • ढोडबेंसीको स्वादिलो खुदो

    आदर्श समाज सम्वाददाता फागुन १८, २०८०
    पोखरा । प्राचीन कालदेखि नै खुदोले चिनिएको क्षेत्र हो पोखरा–३२ स्थित मालेपाटन ढोडबेँसी । प्रत्येक वर्षको पुसे पन्ध्र होस् वा…
  • युवालाई स्वदेशमै रोक्न रोजगार मेला

    आदर्श समाज सम्वाददाता फागुन १८, २०८०
    पोखरा । पोखरा महानगरपालिका वडा नम्बर १३ मा शुक्रबार रोजगार मेला भएको छ । वडा कार्यालयको आयोजनामा मेलामा २ हजारभन्दा…
  • द क्लिफमा प्रहरीका प्रशिक्षार्थीको ‘बञ्जी जम्प’

    आदर्श समाज सम्वाददाता फागुन १८, २०८०
    पोखरा । प्रहरी विशेष कला तथा कारबाही (कमाण्डो) तालिम अन्तर्गत नवौं समूहमा तालिमरत १ सय १४ प्रशिक्षार्थी प्रहरीहरु बञ्जी जम्प…

hero news full width