पोखरा । फ्लोरिङ फर्निसिङ संघ कास्की, लायन्स क्लब अफ पोखरा फ्लोरिङ फर्निसिङ र लायन्स क्लब अफ पोखरा प्रोफेसनलको संयुक्त आयोजनामा  पर्वतको महाशिला गाउँपालिका ६ स्थित फलामखानी आधारभूत विद्यालयका ६५  विधार्थीलाई न्यानो कपडा तथा स्टेसनरी वितरण गरिएको छ ।

कम आयस्रोत भएका परिवारका ती विद्यार्थीलाई विद्यालयमै पुगेर शनिबार सामग्री वितरण गरिएको कार्यक्रम संयोजक गोविन्द शर्माले बताए ।

महाशिला गाउँपालिका अध्यक्ष ईश्वरीप्रसाद भुसाल,  वडा नम्बर ६ का अध्यक्ष गोविन्द विक, विद्यालयका प्रधानाध्यापक सरस्वती केसी, वडा ६ का वडा सदस्य तीलक अधिकारी, लायन रहमोहन सुवेदी र लायन शुशील पौडेल लगायतको सहभागितामा कार्यक्रम भएको हो ।

राजु कार्कीको अध्यक्षतामा भएको कार्यक्रममा स्वागत कार्यक्रम संयोजक  गोविन्द शर्मा र सञ्चालन होमबहादुर अधिकारीले गरेका थिए । जहाँ आवश्यकता त्यहाँ सहयोग भन्ने भावनाबाट प्रेरित भएर कार्यक्रम गरिएको संयोजक शर्माको भनाइ छ । पोखराबाट गएको टोलीले आन्तरिक पर्यटन प्रवर्द्धनका लागि महाशीला लगायत पर्यटकीय स्थलको अवलोकन समेत गरेको छ ।