पोखरा । अखिल नेपाल फुटबल संघ (एन्फा) कास्कीको आयोजनामा कास्कीमा क्लबस्तरीय कास्की लिग फुटबल प्रतियोगिता सोमबारदेखि सुरु भएको छ ।
पोखरा २५ गौरीशंकर खेलमैदानमा सुरु खेलको प्रदेश खेलकुद परिषद् गण्डकीका उपाध्यक्ष ध्वजकुमार गुरुङले उद्घाटन गरे । डिफेन्डिङ च्याम्पियन आदर्श क्लब र हेमजा युनाइटेडबीचको उद्घाटन खेल १–१ गोलको बराबरीमा सकिएको छ । दुवैले १–१ अंक बटुले ।
एन्फा कास्की अध्यक्ष मिलन गुरुङका दोस्रो खेलमा इन्द्रणी एकीकृतले फुलबारी युवा क्लबलाई ४–२ गोल अन्तरले पराजित गर्यो । सो खेलबाट इन्द्रणीले ३ अंक जम्मा ग¥यो ।
मंगलबार गौरीशंकर खेल मैदान र रंगशालाको वैकल्पिक खेलमैदानमा समान ४/४ वटा खेल सञ्चालन हुनेछन् ।
लिगमा कास्की जिल्ला फुटबल संघमा आवद्ध २२ वटा क्लवहरुको सहभागिता रहेका संघका महासचिव रमेश कार्कीले बताए । उनका अनुसार लिग कम नक आउटका आधारमा प्रतियोगिता सञ्चालन हुनेछन् ।
उनले लिगका प्रतियोगिता पोखरा रंगशालाको वैकल्पिक खेलमैदान, पोखरा २५ हेमजास्थित गौरीशंकर खेल मैदानमा सञ्चालन गरिने बताए । ‘गोस्तेघाटमा पनि खेलाउने भन्ने थियो, उनले भने, ‘त्यहाँको शौचालयलगायतको कारणले गर्दा यो पटक २ ठाउँमा मात्रै खेल खेलाउँदै छौं ।’ कार्कीका अनुसार प्रतियोगिता अवधिभर कुल ५७ खेल सञ्चालन हुने छन् । प्रतियोगिता सञ्चालनका गर्न हेमजाको लागि इन्द्रबहादुर कुँवर, पोखरा रंगशालाका लागि नरप्रसाद गुरुङलाई संयोजक तोकिएको छ । लिग विजेताले गण्डकी प्रदेशस्तरीय मुख्यमन्त्री कप फुटबल प्रतियोगितामा प्रतिस्पर्धा गर्न पाउने एन्फा कास्कीले जनाएको छ ।
Related News
सम्बन्धित समाचार
पोर्चुगललाई टाइब्रेकरमा हराउँदै फ्रान्स यूरोकपको सेमिफाइनलमा
स्पेन यूरो कपको सेमिफाइनल प्रवेश
पोखरा १० र १७ सेमीमा
प्रथम भेट्रान कप फुटसलमा पहिलो चरणका खेल जारी
कास्कीलाई प्रदेशस्तरीय फुटबल उपाधि
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१