पोखरा । आयोजक जर्मनीलाई २–१ गोलअन्तरले हराउँदै स्पेन ‘युरो कप-२०२४’ को सेमिफाइनल पुग्न सफल भएको छ ।

शुक्रबार राति अतिरिक्त समयको अन्तिम मिनेटमा ड्यानी ओल्मोको पासमा गोल गर्दै मिकेल मेरिनोले स्पेनलाई अन्तिम ४ मा पु¥याउन सफल भएका हुन् । जारी यूरोकपमा अपराजित स्पेन सेमिफाइनल पुग्ने पहिलो टिमसमेत बनेको छ ।

निर्धारित समयको खेलमा दुवैतर्फबाट एक एकको बराबरीपछि निर्णयार्थ अतिरिक्त समयमा धकेलिएको थियो ।

५१ औं मिनेटमा ड्यानी ओल्मोले गोल गर्दै स्पेनलाई अग्रता दिलाएका थिए । स्पेनको पक्षमा जितको घोषणा हुनै लाग्दा ८९ औं मिनेटमा जर्मनीले बराबरी खेलेको हो । फ्लोरियन व्रिट्जले गोल गर्दै जर्मनीलाई खेलमा फर्काए । र, खेल अतिरिक्त समयमा पुग्यो ।

समूह चरणमा स्पेनले क्रोयसिया, साविक विजेता इटाली, अल्वानियालाई हराएको थियो । प्रिक्वाटरफाइनलमा जर्जियालाई शुन्यका विरुद्ध ४ गोलले पराजित गरेको थियो ।

स्पेन यस्तो टिम हो, जसले पहिलो सहभागितामै सन् १९६४ युरोकपको उपाधि जितेको थियो । उसले सन् २००८ मा जर्मनी र सन् २०१२ मा इटालीलाई फाइनलमा हराएर उपाधि आफ्नो पक्षमा पारेको थियो ।

स्पेन र जर्मनीले हालसम्म सर्वाधिक तीन-तीन पटक उपाधि चुमेका छन् ।