पोखरा । हेमजा भेट्रान्स कपमा पोखरा १० र १७ सेमिफाइनलमा प्रवेश गरेको छ ।

पहिलो खेलमा पोखरा १० ले आयोजक वडा २५ लाई टाइब्रेकर ५–३ गोलअन्तरले पराजित गर्दै सेमिफाइनल प्रवेश गरेको हो । म्यान अफ दि म्याच पोखरा १० का गोल रक्षक विक्रम गुरुङ घोषित भए ।

दोस्रो खेलमा पोखरा १७ ले पोखरा १ लाई ३–१ अन्तरले पराजित गर्दै अन्तिम ४ मा स्थान बनायो । खेलमा पोखरा १७ का वेदबहादुर थापा म्यान अफ दि म्याच भए । फाइनल प्रवेशका लागि वडा १० र १२ तथा वडा १३ र १७ भिडने छन् ।

प्रथम हुने टिमले १ लाख ११ हजार ११ र दोस्रोले ५५ हजार ५ सय ५५ नगद सहित ट्रफी, मेडल र प्रमाणपत्र प्राप्त गर्ने छन ।

हेमजा यूनाइटेड आयोजना तथा पोखरा महानगरपालिकाको संरक्षकत्वमा हेमजामा शनिबारदेखि सुरु भएको फाइनल असार ७ मा हुनेछ ।